ខាងក្រោមនេះនឹងបង្ហាញអ្នកពីរបៀបប្រើផ្លែប៉ោម ដើម្បីធ្វើឲ្យរាងអ្នកស្អាត ។ តើមានអ្វីខ្លះទៅ ?
អ្នកអាចយកផ្លែប៉ោមចំនួន២ផ្លែ ពងមាន់ចំនួន៤គ្រាប់ ទឹកដោះគោស្រស់ចំនួន១០០មីល្លីលីត្រ និងស្ករចំនួន២៥ក្រាម ។ ក្រោយពេលដែលអ្នករៀបចំគ្រឿងផ្សំរួច អ្នកអាចគោះពងមាន់ដាក់ក្នុងចាន រួចដាក់ទឹកដោះគោស្រស់ និងស្ករចូល ហើយវ៉ៃឲ្យសព្វចូលគ្នា ។
បន្ទាប់មកអ្នកអាចចិតសម្បកផ្លែប៉ោម និងយកគ្រាប់ចេញ រួចចិតជាបន្ទះៗ ។ បន្ទាប់មកទៀត អ្នកអាចកម្តៅខ្ទះឲ្យក្តៅ រួចចាក់ខ្លាញ់ចូល ទើបចាក់ពងមាន់ដែលលាយចូលទៅក្នុងនោះ ដោយប្រើភ្លើងតិចៗដើម្បីចៀន ។ ចុងក្រោយអ្នកអាចដាក់ផ្លែប៉ោមចូល រួចត្រឡប់ចុះឡើយជាការស្រេច ។
អ្នកអាចញ៉ាំនំនេះ ដោយមិនចាំបាច់ភ័យថា ធ្វើឲ្យអ្នកធាត់ឡើយ ព្រោះនេះជានំដែលធ្វើឲ្យអ្នកមានរាងស្អាតបាន ។ វិធីមួយទៀត អ្នកអាចចិតផ្លែប៉ោមជាដុំ តូចៗ រួចចាក់ទឹកដោះគោជូរចូលទៅក្នុងផ្លែប៉ោមនោះ ហើយញ៉ាំក៏បាន នោះអ្នកនឹងងាយស្រួលបត់ជើងធំ ដោយធ្វើឲ្យជាតិពុលក្នុងរាងកាយអ្នកអាចចេញមកក្រៅអស់ ។ ដូចនេះ អ្នកនឹងមានរាងស្អាតជាមិនខានឡើយ (ប្រភពពី៖ Health.com.kh) ៕
ចែករំលែកព័តមាននេះ