បើតាម «Yonhap» កូរ៉េខាងត្បូងកាលពីពេលថ្មីៗកន្លងមកផ្សាយថា ស្ត្រីម្នាក់អាយុ៤៧ឆ្នាំបានធ្វើដំណើរទៅរំដោះគ្រោះនៅផ្ទះរបស់មិត្តភក្ដិនាភាគខាងកើតខេត្ត «គូមី» ដោយនាងបានចូលទៅដេកនៅក្នុងមឈូស ប៉ុន្តែដេករយៈពេលយូរ បណ្ដាលឲ្យស្លាប់ កាលពីថ្ងៃទី២ សីហា…
បើតាម «Yonhap» កូរ៉េខាងត្បូងកាលពីពេលថ្មីៗកន្លងមកផ្សាយថា ស្ត្រីម្នាក់អាយុ៤៧ឆ្នាំបានធ្វើដំណើរទៅរំដោះគ្រោះនៅផ្ទះរបស់មិត្តភក្ដិនាភាគខាងកើតខេត្ត «គូមី» ដោយនាងបានចូលទៅដេកនៅក្នុងមឈូស ប៉ុន្តែដេករយៈពេលយូរ បណ្ដាលឲ្យស្លាប់ កាលពីថ្ងៃទី២ សីហា ២០១៨ ។
មូលហេតុដែលបណ្ដាលឲ្យស្លាប់ពីការរំដោះគ្រោះនេះ គឺក្រោយពីចូលដេកបាន២ម៉ោងនាងក៏ងើបឡើងវិញ ព្រោះនៅក្នុងមឈូសហប់ខ្យល់ពិបាកដកដង្ហើម ដោយបិទគំរបជិត។ លុះមិនយូរប៉ុន្មាននាងក៏ចូលទៅដេកម្ដងទៀត ក្រោយពីមិត្តភក្ដិ២នាក់បានប្រាប់ឲ្យនាងចូលគេងឱ្យបានយូរជាងនេះ ដើម្បីមានភាពសក្ដិសិទ្ធិ ហើយពួកគេដេកនៅក្រៅមឈូស ។ លុះដល់ព្រឹក មិត្តភក្តិបើកមឈូសមើល ស្រាប់តែឃើញស្ត្រីនោះបានស្លាប់ទៅហើយ ។
ទាក់ទិននឹងការស្លាប់នេះ ប៉ូលិសបានប៉ាន់ប្រមាណថា នារីរងគ្រោះអាចស្លាប់នៅម៉ោង៦ និង៣០នាទីព្រឹក ។ នាងអាចស្ថិតក្នុងសភាពសន្លប់នៅក្នុងមឈូសគ្មានខ្យល់ចេញចូល ទើបបង្កឲ្យស្លាប់ ឬអាចកើតអាការអស់កម្លាំងបើកគំរបមិនបាន ។ ចំពោះមិត្តភក្តិទាំង២នាក់ត្រូវប៉ូលិសចាប់ខ្លួន និងចោទប្រកាន់ពីបទប្រមាថជីវិតធ្វើឲ្យអ្នកផ្សេងស្លាប់ ៕
ចែករំលែកព័តមាននេះ