ខេត្តក្រចេះ ៖ បុរសពីរនាក់បងប្អូន បានត្រូវជនមិនស្គាល់មុខកាប់នឹងពូថៅសុសសាច់ស្លាប់លើអង្រឹងរៀងៗខ្លួន ស្ថិតនៅផ្ទះចម្ការមួយកន្លែងនៅតំបន់ដាច់ស្រយាលចំណុចព្រៃចម្ការ ក្នុងឃុំវឌ្ឍនៈ ស្រុកសំបូរ ។ ករណីនេះ ត្រូវបាននគរបាលព្រហ្មទណ្ឌស្រុកសំបូរកំណត់ថា…
ខេត្តក្រចេះ ៖ បុរសពីរនាក់បងប្អូន បានត្រូវជនមិនស្គាល់មុខកាប់នឹងពូថៅសុសសាច់ស្លាប់លើអង្រឹងរៀងៗខ្លួន ស្ថិតនៅផ្ទះចម្ការមួយកន្លែងនៅតំបន់ដាច់ស្រយាលចំណុចព្រៃចម្ការ ក្នុងឃុំវឌ្ឍនៈ ស្រុកសំបូរ ។
ករណីនេះ ត្រូវបាននគរបាលព្រហ្មទណ្ឌស្រុកសំបូរកំណត់ថា ជាករណីហិង្សាដោយចេតនាមានស្ថានទម្ងន់ បណ្តាលឱ្យស្លាប់ជនរងគ្រោះទាំង២នាក់បងប្អូន និងសន្និដ្ឋានថា ផ្តើមចេញពីរឿងគំនុំ ។ អធិការរងនគរបាលស្រុកសំបូរ លោក នួន សារិន បានឲ្យដឹងថា សពជនរងគ្រោះទាំង២នាក់ ត្រូវជនដៃដល់មិនស្គាល់មុខកាប់សម្លាប់កាលពីថ្ងៃទី៨ ខែសីហា ដោយកាប់នឹងពូថៅចំក្បាល ក ពោះ និងដងខ្លួន ។ ដោយសារតែកន្លែងកើតហេតុ ដែលជនរងគ្រោះស្នាក់នៅជាផ្ទះចម្ការនៅដាច់ស្រយាល ទើបធ្វើឲ្យនគរបាលទទួលបានព័ត៌មានពីករណីនេះយឺតយ៉ាវបន្តិច ។
យ៉ាងណាក៏ដោយ ករណីនេះត្រូវបានលោកអធិការរងអះអាងថា នគរបាលកំណត់មុខសញ្ញាបានហើយ ក្រោយពីបានចុះពិនិត្យដល់កន្លែងកើតហេតុ និងសាកសួរព័ត៌មានជុំវិញកន្លែងកើតហេតុរួចមក ។ ជនរងគ្រោះទាំង២នាក់បងប្អូន ដែលត្រូវជនមិនស្គាល់មុខកាប់សម្លាប់នេះ ម្នាក់ឈ្មោះ ភឿន ផាន អាយុ២២ឆ្នាំ និងម្នាក់ទៀតឈ្មោះ ភឿន ជា អាយុ១៩ឆ្នាំ ទាំងអស់គ្នារស់នៅខេត្តត្បូងឃ្មុំ និងបានមកស្នាក់នៅធ្វើចម្ការនៅចំណុចខាងលើ ។
លោកអធិការរងបញ្ជាក់ថា ករណីនេះ អាចផ្តើមចេញពីរឿងគំនុំ ។ តាមការសាកសួរបានឲ្យដឹងថា មុនេពេលកើតហេតុជនរងគ្រោះទាំង២នាក់បងប្អូន បានផឹកស៊ីជាមួយមនុស្សច្រើននាក់ក្នុងភូមិ និងកើតមានទំនាស់ពាក្យសម្តីគ្នា ។ លុះក្រោយមក ស្រាប់តែគេប្រទះឃើញស្លាប់នៅ លើអង្រឹងបែបនេះទាំង២នាក់
តែម្តង ៕
ចែករំលែកព័តមាននេះ