ខេត្តកំពង់ធំ ៖ បុរសម្នាក់បានស្រវឹងស្រាជិះម៉ូតូបុកគូថគោយន្ដកែច្នៃស្លាប់នៅនឹងកន្លែងកើតហេតុ ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង០៧និង២៧នាទីយប់ថ្ងៃទី១២ ខែសីហា ឆ្នាំ២០១៨ ស្ថិតនៅលើកំណាត់ផ្លូវជាតិលេខ០៦ ក្នុងភូមិស្ពានគ្រង ឃុំចំណារក្រោម ស្រុកស្ទោង…
ខេត្តកំពង់ធំ ៖ បុរសម្នាក់បានស្រវឹងស្រាជិះម៉ូតូបុកគូថគោយន្ដកែច្នៃស្លាប់នៅនឹងកន្លែងកើតហេតុ ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង០៧និង២៧នាទីយប់ថ្ងៃទី១២ ខែសីហា ឆ្នាំ២០១៨ ស្ថិតនៅលើកំណាត់ផ្លូវជាតិលេខ០៦ ក្នុងភូមិស្ពានគ្រង ឃុំចំណារក្រោម ស្រុកស្ទោង ខេត្តកំពង់ធំ ។
សមត្ថកិច្ចប្រាប់ថា គ្រោះចរាចរណ៍មួយនេះកើតឡើងរវាងម៉ូតូបុកគោយន្ដកែច្នៃក្នុងទិសដៅស្របគ្នាពីត្បូងទៅជើង បណ្តាលឲ្យស្លាប់ម្នាក់ ដែលជនរងគ្រោះជិះម៉ូតូវេវ ពណ៌ខ្មៅ ពាក់ស្លាកលេខកំពង់ធំ 1H- 4671 បើកបរដោយឈ្មោះ គួន ភាប់ ភេទប្រុស អាយុ៣៦ឆ្នាំ រស់នៅភូមិត្រាច ឃុំកំពង់ចិនជើង បានស្លាប់នៅកន្លែងកើតហេតុ (មិនពាក់មួកសុវត្ថិភាព) ចំណែកអ្នកបើកបរគោយន្ដកែច្នៃមិនស្គាល់អត្តសញ្ញាណ ហើយបានរត់គេចខ្លួនបាត់ ។
ក្រោយពេលកើតហេតុសមត្ថកិច្ចជំនាញបានចុះវាស់វែងធ្វើកំណត់ហេតុប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី រីឯវត្ថុតាងម៉ូតូ និងគោយន្ដកែច្នៃយកមករក្សាទុកនៅអធិការដ្ឋាននគរបាលស្រុក ដើម្បីដោះស្រាយ ។ ករណីនេះ មូលហេតុជាបឋមបង្កដោយគោយន្ដកែច្នៃគ្មានភ្លើងបំភ្លឺខាងក្រោយ រួមផ្សំនឹងអ្នកបើកបរម៉ូតូបើកក្នុងស្ថានភាពស្រវឹង ៕
ចែករំលែកព័តមាននេះ