ខេត្តត្បូងឃ្មុំ ៖ បើតាមសេចក្តីរាយការណ៍បឋមបានឱ្យដឹងថា យុវជនម្នាក់ត្រូវបានសមត្ថកិច្ចនគរបាលស្រុកមេមាត់ ឃាត់ខ្លួន កាលពីយប់ថ្ងៃទី១០ ខែសីហា ឆ្នាំ២០១៨ ពាក់ព័ន្ធករណីប៉ុនប៉ងរំលោភសេពសន្ថវៈលើស្ត្រីម្នាក់កំពុងដេកលក់លក់ក្នុងរោងចាំចំការ ស្ថិតនៅភូមិជាំខ្យង ឃុំមេមង ស្រុកមេមត់ ខេត្តត្បូងឃ្មុំ ។
សេចក្តីរាយការណ៍បន្តថា ជនសង្ស័យខាងលើឈ្មោះ ជា វ៉ៃ ភេទប្រុស អាយុ២៩ឆ្នាំ រស់នៅភូមិ-ឃុំកើតហេតុខាងលើ ចំណែកស្ត្រីរងគ្រោះអាយុ៤៣ឆ្នាំ ។
បើតាមពាក្យបណ្តឹងរបស់ជនរងគ្រោះបានឱ្យសមត្ថកិច្ចដឹងថា នៅវេលាម៉ោងប្រមាណ១២និង៣០នាទីយប់ ថ្ងៃទី១០ សីហា គាត់កំពុងដេកលក់លក់ម្នាក់ឯងក្នុងរោងចាំចំការដូចសព្វដង ស្រាប់តែមានជនសង្ស័យម្នាក់មកបើកមុងបម្រុងចូលរំលោភនាង ។ ពេលនោះគាត់ក៏បានស្រែកឆោឡោ និងបានប្តឹងសមត្ថកិច្ចឲ្យចាប់ខ្លួនតែម្តង ព្រោះជនសង្ស័យជាអ្នកស្រុក-ភូមិផងរបងជាមួយគ្នា ។
ក្រោយពេលឃាត់ខ្លួនជនសង្ស័យរួច ត្រូវបានសមត្ថកិច្ចកសាងសំណុំរឿង ដើម្បីតាមចាត់ការតាមនីតិវិធីច្បាប់ ៕
ចែករំលែកព័តមាននេះ