ប្រទេសតួកគី ៖ ប្រធានាធិបតីតួកគី លោករីស៊ីប តៃយីបអ័រដូហ្គាន កាលពីថ្ងៃទី១១សីហា បានសច្ចាឆ្លើយតបវិញចំពោះការគំរាមកំហែងទាំងឡាយរបស់សហរដ្ឋអាមេរិក ដែលសំដៅឲ្យដោះលែងគ្រូប្រដៅសាសនាអាមេរិកម្នាក់ ដោយលោកពុំបង្ហាញឆន្ទៈសម្រាលភាពតានតឹងជាមួយក្រុងវ៉ាស៊ិនតោនឡើយ ។…
ប្រទេសតួកគី ៖ ប្រធានាធិបតីតួកគី លោករីស៊ីប តៃយីបអ័រដូហ្គាន កាលពីថ្ងៃទី១១សីហា បានសច្ចាឆ្លើយតបវិញចំពោះការគំរាមកំហែងទាំងឡាយរបស់សហរដ្ឋអាមេរិក ដែលសំដៅឲ្យដោះលែងគ្រូប្រដៅសាសនាអាមេរិកម្នាក់ ដោយលោកពុំបង្ហាញឆន្ទៈសម្រាលភាពតានតឹងជាមួយក្រុងវ៉ាស៊ិនតោនឡើយ ។
ការប្រកាសពីទណ្ឌកម្ម ការគំំរាមសងសឹកវិញ ការបង្កើនពន្ធគយលើដែកថែប និងអាលុយមីនីញ៉ូមតួកគីនាំឲ្យប្រាក់លីហ្វ្រតួកគីធ្លាក់ថ្លៃ ដោយកាលពីថ្ងៃទី១០ សីហា ដល់ទៅ១៦% ប្រឈមមុខនឹងប្រាក់ដុល្លារ។
សហរដ្ឋអាមេរិកស្នើឲ្យដោះលែងបន្ទាន់គ្រូប្រដៅសាសនាអាមេរិកលោក ANDREW BRUNSON ដែលបច្ចុប្បន្នកាត់ទោសនៅតួកគីពីបទភេរវកម្ម និងចារកម្ម រួចកំពុងជាប់ឃុំក្នុងផ្ទះក្រោយជាប់ឃុំឃាំង១ឆ្នាំកន្លះមក។
កាលពីថ្ងៃទី១១ សីហា នាឱកាសនៃការប្រមូលផ្ដុំមនុស្សមួយនៅទីក្រុង UNYE ជាប់មាត់សមុទ្រខ្មៅ លោកអ័រដូហ្គាន ថ្លែងថា វាជារឿងអាក្រក់ដែលហ៊ានឲ្យតួកគីលុតជង្គង់ជាមួយការគំរាមកំហែងទាក់ទិននឹងគ្រូប្រដៅសាសនាមួយរូប។ អ្នកឯងពិតជាគ្មានការអៀនខ្មាស់។ អ្នកឯងសុខចិត្តប្ដូរដៃគូយុទ្ធសាស្ត្ររបស់ខ្លួនក្នុងផ្ទៃអូតង់សម្រាប់សង្ឃកាតូលិកម្នាក់។ លោកក៏បានព្រមានថា ភាពជាដៃគួរបស់យើងអាចជួបឧបសគ្គ ហើយលោកគំរាមស្វែងរកមិត្តព្រមទាំងសម្ព័ន្ធមិត្តថ្មីៗ។
លោកអ័រដូហ្គាន ក៏បានបន្តថា បើគេមានដុល្លារយើងមានព្រះអាល់ឡាហ៍។ លោកអំពាវនាវដល់ពលរដ្ឋតួកគី កុំឲ្យជ្រួលច្របល់ ពិសេសឲ្យបញ្ចេញប្រាក់បំរុងទុកជារូបិយប័ណ្ណបរទេស ឬជាមាស ដើម្បីជួយទ្រទ្រង់ដល់តម្លៃរូបិយវត្ថុជាតិ។
ក្នុងសារតាម TWITTER ដែលប្រកាសពីការបង្កើនពន្ធគយលើដែកថែប និងអាល់លុយមីនីញ៉ូមតួកគី លោកដូណាល់ ត្រាំ ក៏ទទួលសា្គល់ដែរថា ទំនាក់ទំនងរបស់យើងជាមួយតួកគីពុំល្អឡើយក្នុងពេលនេះ៕
ចែករំលែកព័តមាននេះ