ប្រទេសជប៉ុន ៖ បណ្ដាអ្នកទទួលខុសត្រូវមូលដ្ឋានបានគូសបញ្ជាក់កាលពីថ្ងៃទី១១សីហាថា មនុស្ស៩នាក់ជិះក្នុងឧទ្ធម្ភាគចក្រ១គ្រឿងរបស់ផ្នែកសន្តិសុខស៊ីវិល បានត្រូវស្លាប់ដោយសារឧទ្ធម្ភាគចក្រនោះធ្លាក់ កាលពីថ្ងៃទី១០ សីហា នាភាគកណ្ដាលជប៉ុនពេលហោះហ្វឹកហ្វឺន។ អ្នកទទួលខុសត្រូវមូលដ្ឋានម្នាក់អះអាងប្រាប់ AFP…
ប្រទេសជប៉ុន ៖ បណ្ដាអ្នកទទួលខុសត្រូវមូលដ្ឋានបានគូសបញ្ជាក់កាលពីថ្ងៃទី១១សីហាថា មនុស្ស៩នាក់ជិះក្នុងឧទ្ធម្ភាគចក្រ១គ្រឿងរបស់ផ្នែកសន្តិសុខស៊ីវិល បានត្រូវស្លាប់ដោយសារឧទ្ធម្ភាគចក្រនោះធ្លាក់ កាលពីថ្ងៃទី១០ សីហា នាភាគកណ្ដាលជប៉ុនពេលហោះហ្វឹកហ្វឺន។
អ្នកទទួលខុសត្រូវមូលដ្ឋានម្នាក់អះអាងប្រាប់ AFP ថា ការស្លាប់របស់មនុស្សទាំង៩នាក់នេះត្រូវបានបញ្ជាក់នាថ្ងៃទី១១ សីហា វេលាថ្ងៃត្រង់។ ហើយប៉ូលិស និងកងទ័ពបានធ្វើប្រតិបត្តិការជួយសង្គ្រោះ តាមរកមនុស្សទាំងនេះក្រោយពីឧទ្ធម្ភាកចក្រធ្លាក់ក្នុងព្រៃមួយនៃតំបន់ហ្គុនម៉ា ភាគពាយ័ព្យក្រុងតូក្យូ។ ចំណែកបណ្ដាជនរងគ្រោះ ស្ថិតក្នុងផ្នែកសន្តិសុខស៊ីវិល និងកងពន្លត់ភ្លើង ហើយក្នុងនោះក៏មានអ្នកបើក និងមេកានិកម្នាក់។
ពួកអ្នកស៊ើបអង្កេតត្រូវបានរដ្ឋាភិបាលបញ្ជូនទៅកន្លែងឧទ្ធម្ភាគចក្រធ្លាក់។ រីឯឧទ្ធម្ភាគចក្រនេះធុន BELL 412 បានចាកចេញពីមូលដ្ឋានរបស់ខ្លួននាព្រឹកថ្ងៃទី១០ សីហា សម្រាប់ការហោះហើរត្រួតពិនិត្យរយៈពេល២ម៉ោង តែវាពុំឃើញវិលត្រឡប់មកកាន់មូលដ្ឋានវិញហើយបាត់ការទាក់ទង៕
ចែករំលែកព័តមាននេះ