ខេត្តឧត្តរមានជ័យ ៖ បើតាមសេចក្តីរាយការណ៍បឋមមួយបានឲ្យដឹងថា ជនសង្ស័យម្នាក់ត្រូវសមត្ថកិច្ចឃាត់ខ្លួន បន្ទាប់ពីធ្វើសកម្មភាពចាប់រំលោភក្នុងបន្ទប់ទឹក ហេតុការណ៍នេះកើតឡើងកាលពីម៉ោង៨និង៤៥នាទីយប់ ថ្ងៃទី១១ ខែសីហា ឆ្នាំ២០១៨ ស្ថិតនៅក្នុងភូមិពុរ សង្កាត់.ក្រុងសំរោង ខេត្តឧត្តរមានជ័យ ។
ជនសង្ស័យខាងលើឈ្មោះ សាម ពៅ ភេទប្រុស អាយុ២៥ឆ្នាំ មានទីលំនៅភូមិរុន ឃុំរុន ស្រុកបន្ទាយស្រី ខេត្តសៀមរាប ស្នាក់នៅបណ្តោះអាសន្ននៅភូមិ-ឃុំកើតហេតុខាងលើ ចំណែកជនរងគ្រោះអាយុ១៦ឆ្នាំ ជាអ្នករត់តុគុយទាវ ។
សេចក្តីរាយការណ៍បន្តថា តាមពាក្យបណ្តឹងរបស់ជនរងគ្រោះដែលដាក់ប្តឹងសមត្ថកិច្ចថា នៅវេលាម៉ោងខាងលើ ក្រោយពីសំរាកការងាររត់តុគុយទាវ ជនរងគ្រោះបានដោះសម្លៀកបំពាក់ចោមពុងដើរចូលទៅងូតទឹកក្នុងបន្ទប់ទឹកក្បែរផ្ទះ ។ ពេលនោះជនសង្ស័យដែលមានផ្ទះនៅជិតគ្នាហាក់ដូចជាដឹងមុន ដោយគេបានចូលទៅអង្គុយចាំក្នុងបន្ទប់ជាស្រេច ខណៈជនរងគ្រោះចូលដល់ភ្លាម សង្ស័យក៏ធ្វើសកម្មភាពចាប់រំលោភនាង ប៉ុន្តែជនរងគ្រោះរើបម្រះ និងស្រែកឆោឡោឡើងដើម្បីឲ្យគេជួយ ទើបជនសង្ស័យក៏រត់គេចខ្លួនតែម្តង ។
តាមពាក្យបណ្តឹងបានបញ្ជាក់ថា ភ្លាមនោះដែរ ជនរងគ្រោះបានទូរស័ព្ទប្តឹងទៅសមត្ថកិច្ចនគរបាល ហើយត្រូវបានកម្លាំងផែនព្រហ្មទណ្ឌសហការជាមួយកម្លាំងអធិការក្រុងសំរោង បានធ្វើការឃាត់ខ្លួនជនសង្ស័យប្រគល់ទៅសមត្ថកិច្ច ដើម្បីចាត់តាមនីតិវិធី៕
ចែករំលែកព័តមាននេះ