រាជធានីភ្នំពេញ ៖ បុរសជាម្ចាស់សណ្ឋាគារមួយ បន្ទាប់ពីផឹកស្រាស្រវឹងហើយចង់ទៅផឹកបន្តនៅខាងក្រៅទៀត តែត្រូវប្រពន្ធហាមឃាត់មិនឱ្យទៅ រួចចាក់សោទ្វារទុក ដោយខឹងប្រពន្ធស្ទុះយកដំបងឈើវាយព្រីភ្លើងទុស្សេផ្អើលសមត្ថកិច្ចទាំងយប់ និងរថយន្តពន្លត់អគ្គិភ័យ ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង១១និង១៥នាទីយប់ ថ្ងៃទី១២…
រាជធានីភ្នំពេញ ៖ បុរសជាម្ចាស់សណ្ឋាគារមួយ បន្ទាប់ពីផឹកស្រាស្រវឹងហើយចង់ទៅផឹកបន្តនៅខាងក្រៅទៀត តែត្រូវប្រពន្ធហាមឃាត់មិនឱ្យទៅ រួចចាក់សោទ្វារទុក ដោយខឹងប្រពន្ធស្ទុះយកដំបងឈើវាយព្រីភ្លើងទុស្សេផ្អើលសមត្ថកិច្ចទាំងយប់ និងរថយន្តពន្លត់អគ្គិភ័យ ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង១១និង១៥នាទីយប់ ថ្ងៃទី១២ ខែសីហា ឆ្នាំ២០១៨ នៅបន្ទប់ដេកគ្មានលេខជាន់ទី២ ក្នុងសណ្ឋាគារមួយកន្លែង ស្ថិតក្នុងសង្កាត់បឹងកក់១ ខណ្ឌទួលគោក។
តាមប្រភពពីកន្លែងកើតហេតុឱ្យដឹងថា នៅមុនកើតហេតុ ថៅកែប្រុសខាងលើបានផឹកស្រាស្រវឹង ហើយសុំប្រពន្ធទៅបន្តផឹកស្រានៅខាងក្រៅបន្តទៀត តែស្ត្រីជាប្រពន្ធបានហាមឃាត់មិនឱ្យទៅ ដោយហាមមិនស្តាប់ក៏បានចាក់សោទ្វារឱ្យបុរសជាប្តីនៅក្នុងបន្ទប់កើតហេតុខាងលើ ធ្វើឱ្យបុរសជាប្តីខឹងយ៉ាងខ្លាំងក៏ស្ទុះទៅយកដំបងឈើមកវាយចំព្រីភ្លើង បណ្តាលឱ្យបែកទុស្សេខ្សែភ្លើងហុយផ្សែងចេញតាមបង្អួចមកក្រៅ ទើបបង្កឱ្យមានការឆោឡោរត់ចេញមកក្រៅរួចរាយការណ៍ប្រាប់សត្ថកិច្ច និងហៅរថយន្តពន្លត់អគ្គិភ័យរបស់សាលាខណ្ឌទួលគោក ចំនួន៣គ្រឿងចេញមកអន្តរាគមន៍បាញ់ពន្លត់រយៈពេលកន្លះម៉ោង ទើបភ្លើងរលត់អស់ទៅវិញ ដោយប្រើរថយន្តពន្លត់អគ្គិភ័យអស់ចំនួន២គ្រឿង តែសំណាងល្អក្នុងហេតុការនោះមិនបណ្តាលឱ្យមនុស្សណាម្នាក់រងរបួសនោះឡើយ គ្រាន់តែឆេះរោលខ្មៅតែប៉ុណ្ណោះ ៕
ចែករំលែកព័តមាននេះ