ធ្លាក់ហាលអាវរដូវកាលមុន ពេលនេះអ្នកគាំទ្រកោតសរសើរគ្រប់គ្នា
- ភ្នំពេញ
រាជធានីភ្នំពេញ ៖ គ្មានអ្នកណាមិនដឹងនោះទេថា កីឡាករបង្គោលខៀវ លាភ សំណាង ធ្លាប់បានចូលរួមប្រកួតក្នុងព្រឹត្តិការណ៍ TV5 knock Out…
រាជធានីភ្នំពេញ ៖ គ្មានអ្នកណាមិនដឹងនោះទេថា កីឡាករបង្គោលខៀវ លាភ សំណាង ធ្លាប់បានចូលរួមប្រកួតក្នុងព្រឹត្តិការណ៍ TV5 knock Out…
រាជធានីភ្នំពេញ ៖ គ្មានអ្នកណាមិនដឹងនោះទេថា កីឡាករបង្គោលខៀវ លាភ សំណាង ធ្លាប់បានចូលរួមប្រកួតក្នុងព្រឹត្តិការណ៍ TV5 knock Out Series By K-Cement កាលពីរដូវកាលទីមុនម្ដងហើយ ដោយកីឡាករូបនេះប្រកួតឈ្នះតាំងពីវគ្គ៣២នាក់ ហើយឡើងអង្គុយលើកៅអីក្នុងចំណោម៨នាក់ផងដែរ។
ប៉ុន្តែគេមានវាសនាមិនល្អ ដោយត្រូវហាលអាវវិញក្នុងពេលប្រកួតឈានដល់វគ្គបន្ត ធ្វើឱ្យគេបាត់បង់ឱកាសគ្រងតំណែងម្ចាស់ជើងឯក អ៊ីចឹងហើយទើបអ្នកគាំទ្រកោតសរសសើរចំពោះកីឡាកររូបនេះ ដែលធ្លាក់រដូវកាលមុនម្ដងហើយ តែបែរជាអាចបង្ហាញខ្លួនមកប្រកួតរដូវកាលថ្មី ហើយប្រឹងប្រែងដណ្ដើមបានកៅអី៨នាក់ជាថ្មីម្ដងទៀត។
លាភ រដ្ឋា បានថ្លែងក្រោយបំបាក់កីឡាករវ័យក្មេង ម៉ន ព្រហ្មម៉ាញ មកពីក្លិបការិយាល័យទី៥ កងទ័ពជើងគោក ដែលទើបមានឱកាសឡើងប្រកួតក្នុងព្រឹត្តិការណ៍នេះជាលើកទី១ ថា បណ្ដាលមកពីលោកបរាជ័យក្នុងការសម្រេចបំណងធ្វើជាម្ចាស់ជើងឯកកាលពីរដូវកាលមុន ទើបលោកសម្រេចចិត្តមកប្រកួតម្ដងទៀត ហើយបានតាំងចិត្តយ៉ាងអស់ពីសមត្ថភាព ដោយចំណាយទាំងពេលហ្វឹកហាត់ជាប់លាប់ខុសពីមុនផង។
លោកបន្តថា ការប្រកួតឈ្នះកីឡាករ ម៉ន ព្រហ្មម៉ាញ ហើយដណ្ដើមកៅអី៨នាក់ជាថ្មីម្ដងទៀត កាលពីថ្ងៃទី១១ សីហា លោកបានប្រឹងប្រែងខ្លាំងណាស់ ដោយក្រៅពីប្រើការវាយលុកអស់ពីសមត្ថភាព ក៏បានចំណាយពេលហ្វឹកហាត់ស្ទើរបោះចោលការងាររកលុយផ្សេងៗផងដែរ។
យ៉ាងណាមិញ លោកមិនទាន់ជឿថា ខ្លួននឹងឈ្នះការប្រកួតហើយបានឆ្លងផុតវគ្គ៨នាក់ ឆ្ពោះទៅរក៤នាក់ និងឆ្ពោះទៅកាន់តំណែងម្ចាស់ជើងឯកនោះទេ បើទោះជាការប្រកួតលើកនេះ លោករៀងធ្នឹកជាងមុន និងត្រៀមខ្លួនម៉ត់ចត់ជាងមុនក៏ដោយ។ ឆ្លើយតបនឹងការអះអាងរបស់ លាភ សំណាង ដែលថា គេប្រឹងប្រកួតឈ្នះឡើងអស់ពីសមត្ថភាព ។
ចំណែកក្រុមអ្នកឱ្យទឹករបស់ កីឡាករ ម៉ន ព្រហ្មម៉ាញ បានអះអាងថា ការពិតគេឈ្នះដោយសារតែមានលោកអាជ្ញាកណ្ដាលជួយបន្ថែមប៉ុណ្ណោះ។ អ្នកឱ្យទឹកម្នាក់និយាយថា កីឡាករ លាភ រដ្ឋា ឱ្យតែចូលគឺត្រូវទទួលរងដោយកណ្ដាប់ដៃដ៏ខ្លាំងរបស់ម៉ន ព្រហ្មម៉ាញ គ្រប់លើក តែលទ្ធផលចុងក្រោយបែរជាឱ្យលាភ រដ្ឋា ឈ្នះទៅវិញ។ ក្នុងនោះក៏បានចោទថា ឱ្យតែម៉ន ព្រហ្មម៉ាញ មានឱកាសវាយបានច្រើន គឺតែមានការបង្អាក់ពីលោកអាជ្ញាកណ្ដាលនោះផង។
ប៉ុន្តែការចោទប្រកាន់នេះ ក្រុមអ្នកផ្ដល់ពិន្ទុឆ្លើយតបថា ហេតុផលដែលកីឡាករ លាភ រដ្ឋា បានឈ្នះពិន្ទុ គឺដោយសារតែគេវាយដេញរហូត ដែលខុសពី ម៉ន ព្រហ្មម៉ាញ ដែលគិតតែរត់ ហើយដ្បិតថា វាយត្រូវបានច្រើនតែជាការបញ្ចេញស្នៀតរងច្រើនជាងបំបុក។ ក្នុងនោះការឃាត់ចាប់របស់លោកអាជ្ញាកណ្ដាល ក៏មានតែពេលដែលកីឡាករទាំងពីរពិតជាប់រេញប៉ុណ្ណោះ គឺមិនមែនបំណងឱ្យ លាភ រដ្ឋា វាយបានច្រើននាំមុខនោះទេ៕
ចែករំលែកព័តមាននេះ