រាជធានីភ្នំពេញ ៖ ដោយមើលឃើញសាលារៀនចាស់មួយខ្នង មានសភាពទ្រុតទ្រោម ដំបូលក៏រហែក ហើយកាន់តែវេទនាភ្នែកមើលនោះ គឺពេលភ្លៀងម្តងៗពិបាកខ្លាំងក្នុងការបន្តការរៀនសូត្ររបស់សិស្សានុសិស្សនៅតំបន់ដាច់ស្រយាលមួយ និងមានអ្នកខ្លះផ្ទះមានចំងាយដល់ទៅ ៧ ឬ៨ គីឡូម៉ែត្រ ពីសាលារៀនថែមទៀតផង ដូច្នេះហើយក្រុមហ៊ុន ISI STEEL បានឧបត្ថម្ភសាលារៀនថ្មីមួយខ្នង ជំនួសអោយចាស់នោះ។
ក្នុងនោះពិធីការិនីល្បីឈ្មោះពូកែវោហា មិនចេះរីងស្ងួតដែលគេស្គាល់ឈ្មោះថា ឌីជេ ណាណា បានបង្ហាញអារម្មណ៍រំភើបសប្បាយរីករាយ ដោយក្រុមហ៊ុន ISI STEEL បានជួយដល់សិស្សានុសិស្ស ក្នុងនោះដែរក្រុមហ៊ុន ISI STEEL ក៏បានរៀបរាប់ផងដែរថា «តើបងប្អូនដឹងទេថា ប្អូនៗដែលរស់នៅតាមតំបន់ដាច់ស្រយាលជួបបញ្ហាអ្វីខ្លះសម្រាប់ការសិក្សា និងមានក្តីសង្ឃឹមយ៉ាងដូចម្តេច?» «នៅពេលខ្ញុំអង្គុយរៀន មានមេឃភ្លៀងខ្លាំង ពួកយើងទទឹកជោករកកន្លែងអង្គុយគ្មាន, មេឃក្តៅក៏យើងពិបាករៀន, ខ្យល់ខ្លាំងគឺយើងមិនហ៊ាននៅក្នុងសាលាទេ ព្រោះខ្លាចសាលារលំ» «ខ្ញុំចង់ក្លាយជាគ្រូបង្រៀន ហើយខ្ញុំសង្ឃឹមថា ខ្ញុំអាចមានសាលារៀនមួយសមរម្យអាចអង្គុយរៀនបានដោយមិនមានការភ័យខ្លាច ទោះមេឃក្តៅ មានភ្លៀង ឬខ្យល់ខ្លាំង។ ខ្ញុំពិតជាត្រូវការចំណេះដឹងខ្លាំងណាស់ ដើម្បីជាទុនសម្រាប់ជួយគ្រួសារខ្ញុំ» ក្រោមមូល និធិ ខេ អឹម អេច (KMH) ដែលជាផ្នែកមួយនៃកម្មវិធីទំនួលខុសត្រូវសង្គម របស់សម្ព័ន្ធ ក្រុមហ៊ុន អាយ អេស អាយ គ្រុប (ISI GROUP) ទាំងអស់ មានមោទនភាពដែលបានឧបត្ថម្ភសាលាមួយខ្នងជួនដល់ប្អូនៗដើម្បីសម្រេចនូវក្តីប្រាថ្នារបស់គាត់។
សូមចូលរួមទស្សនាវីដេអូនេះទាំងអស់គ្នា ហើយសូមជួយ Like និង Share ដើម្បីចែករំលែកដល់បងប្អូនផ្សេងៗ ដើម្បីរួមគ្នាជួយដល់សង្គមយើង! ក្រុមហ៊ុន អាយ អេស អាយ គ្រុប (ISI GROUP) តែងតែយកចិត្តទុកដាក់រួមចំណែក ក្នុងវិស័យអប់រំនៅប្រទេសកម្ពុជា។ #ISIGROUP #CSR #ISISTEEL #ក្តីសង្ឃឹមថ្មី #Hope” ៕ ដោយសហការ
ចែករំលែកព័តមាននេះ