ខេត្តកំពត ៖ កម្លាំងនគរបាលអន្តរាគមន៍របស់ស្នងការខេត្តកំពតដឹកនាំដោយលោកវរសេនីយ៍ទោ លក
ញ៉ាវ នាយការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្ត បានសហការជាមួយនគរបាលខេត្តតាកែវ និងមានការសម្រួលនីតិវិធីដោយលោក ជ័យ រិទ្ធី ព្រះរាជអាជ្ញារងអមសាលាដំបូងខេត្តកំពត កាលពីវេលាម៉ោង ២និង៣០រសៀលថ្ងៃទី១០ ខែសីហា ឆ្នាំ ២០១៨ បានដឹកនាំកម្លាំងចុះបង្ក្រាបទីតាំងជួញដូរ និងប្រើប្រាស់គ្រឿងញៀនមួយកន្លែងនៅចំណុចភូមិយាយ«ឡ» ឃុំត្រាំកក់ ស្រុកត្រាំកក់ ខេត្តតាកែវ ។
លោកវរសេនីយ៍ទោ លកញ៉ាវ បានឲ្យដឹងថា ក្នុងប្រតិបត្តិការខាងលើ កម្លាំងសមត្ថកិច្ច បានចាប់ឃាត់ខ្លួនជនសង្ស័យចំនួន៣នាក់ រួមមាន ១-ឈ្មោះ មើន ញ៉ាញ់ ភេទប្រុស អាយុ២៧ឆ្នាំ មានទីលំនៅភូមិយាយ
«ឡ» ឃុំត្រាំកក់ ស្រុកត្រាំកក់ ខេត្តតាកែវ ២-ឈ្មោះ ជ័យ សាវុធ ភេទប្រុស អាយុ៥០ឆ្នាំ នៅភូមិដើមពោធិ៍ ឃុំចំប៉ី ស្រុកអង្គរជ័យ ខេត្តកំពត និង៣-ឈ្មោះ ចេន ពិសិដ្ឋ ភេទប្រុស អាយុ១៦ឆ្នាំ នៅភូមិត្រាំងរំពាក់ ឃុំត្រាំកក់ ស្រុកត្រាំកក់ ខេត្តតាកែវ ។ ចំណែកវត្ថុតាងដែលសមត្ថកិច្ចដកហូតបានក្នុងនោះមានថ្នាំញៀនចំនួន១៥កញ្ចប់ (តូចចំនួន១៤កញ្ចប់ ធំ១កញ្ចប់) និងសម្ភារៈសំរាប់សេវាប្រើប្រាស់ថ្នាំញៀនមួយចំនួន។
ជនសង្ស័យរួមនឹងវត្ថុតាងថ្នាំញៀន ត្រូវបានសមត្ថកិច្ចកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់៕
ចែករំលែកព័តមាននេះ