ខេត្តព្រះសីហនុ ៖ អភិបាលខេត្តព្រះសីហនុលោក យន្ត មីន បានមានប្រសាសន៍ប្រាប់បណ្តាញព័ត៌មានក្នុងខេត្តថា បច្ចុប្បន្ននេះនៅក្រុងព្រះសីហនុសំណង់ផ្សេងៗកំពុងមានការសាងសង់ច្រើន ។ បញ្ហានេះក្នុងនាមរដ្ឋបាលខេត្តលោកបានជម្រុញឲ្យផ្នែកជំនាញពាក់ព័ន្ធធ្វើការត្រួតពិនិត្យជាក់លាក់បំផុតទាំងផ្លូវច្បាប់ និងជាពិសេស…
ខេត្តព្រះសីហនុ ៖ អភិបាលខេត្តព្រះសីហនុលោក យន្ត មីន បានមានប្រសាសន៍ប្រាប់បណ្តាញព័ត៌មានក្នុងខេត្តថា បច្ចុប្បន្ននេះនៅក្រុងព្រះសីហនុសំណង់ផ្សេងៗកំពុងមានការសាងសង់ច្រើន ។
បញ្ហានេះក្នុងនាមរដ្ឋបាលខេត្តលោកបានជម្រុញឲ្យផ្នែកជំនាញពាក់ព័ន្ធធ្វើការត្រួតពិនិត្យជាក់លាក់បំផុតទាំងផ្លូវច្បាប់ និងជាពិសេស គឺគុណភាពសំណង់បង្ការកុំឲ្យមានហានិភ័យផ្សេងៗកើតឡើងដែលបង្កដោយសំណង់គ្នានគុណភាព ។
ជាមួយគ្នានេះថ្លែងនៅក្នុងកិច្ចប្រជុំគណបញ្ជាការឯកភាពខេត្តថ្មីៗកន្លងទៅនេះលោក យន្ត មីន បានប្រាប់មន្ត្រីគ្រប់ផ្នែកក្នុងខេត្តថា គ្រប់កិច្ចការអនុវត្តន៍ច្បាប់នានា ឬកិច្ចការបម្រើប្រជាពលរដ្ឋ មន្ត្រីត្រូវសហការគ្នាពីអង្គភាពមួយទៅអង្គភាពមួយ ចាប់ដៃគ្នាដោយផ្តោតជាសំខាន់ទៅរកគោលដៅជារួម ដើម្បីបម្រើប្រជាពលរដ្ឋស្របតាមនិតិវិធីច្បាប់ និងគោលនយោបាយរបស់រាជរដ្ឋាភិបាល និងជៀសវាងឲ្យឆ្ងាយពីពាក្យថា«រុញឲ្យខ្លោចរោលឲ្យឆៅ» ៕
ចែករំលែកព័តមាននេះ