ខេត្តរតនគីរី ៖ ក្រុមអង្គការម៉ែកបានធ្វើកម្មវិធីកម្ទេចគ្រាប់កាំភ្លើងធុនធំសល់ពីសមយ័សង្គ្រាម ចំនួន១១គ្រាប់ នៅថ្ងៃទី១០ ខែសីហា ឆ្នាំ២០១៨ វេលាម៉ោង១០ និង៣០នាទីព្រឹក នៅចំណុចកម្ទេចគ្រាប់ ស្ថិតនៅព្រៃដុតខ្មោចក្បែរព្រលានយន្តហោះចាស់ ក្នុងនៅភូមិជ័យឧត្ថម ឃុំជ័យឧត្ថម ស្រុកលំផាត់។
នៅកម្មវិធីខាងលើក្រុមខាងអង្គការម៉ែក បានឲ្យអ្នកសារព័ត៌មាន យើងដឹងថា វិធីសាស្ត្រកម្ទេចគ្រាប់ មុនដំបូងដាក់គីប និងតខ្សែភ្លើងរួចប្រើ តេលេចុចបំបែកគ្រាប់ ទើបបណ្ដាលឲ្យគ្រាប់ផ្ទុះ ហើយគ្រាប់ត្រូវកម្ទេចនៅថ្ងៃនេះមានពីប្រភេទ ទី១-គឺគ្រាប់កាំភ្លើងធុន៦០មីល្លីម៉ែត្រ និងបេ៨២ សរុបទាំងអស់ចំនួន១១គ្រាប់ ហើយគ្រាប់កាំភ្លើងទាំងអស់នោះបានបន្សល់ទុកតាំងពីសម័យសង្គ្រាមតាំងពី១៩៧៥ រហូតដល់ឆ្នាំ១៩៧៩មកម្លេះ។
ខាងអង្គការខាងលើមិនបានបញ្ជាក់ព័ត៌មានលម្អិតដល់ អ្នកកាសែតថា តាំងពីអង្គការម៉ែក មកបោះទីតាំងរុករាវរកគ្រាប់ក្នុងភូមិសាស្ត្រទឹកដីខេត្តរតនគីរី កន្លងមកបានគ្រាប់កាំភ្លើងចំនួនប៉ុន្មានពិតប្រាកដនោះទេ៕
ចែករំលែកព័តមាននេះ