ខេត្តបាត់ដំបង ៖ សេចក្តីរាយការណ៍បឋមឱ្យដឹងថា ជំទប់ទី២ឃុំមួយរូប បានផឹកស្រាស្រវឹងជោកជាំស្ទើរមួយយប់ទល់ភ្លឺ រហូតគាំងបេះដូងស្លាប់ នៅវេលាទៀបភ្លឺថ្ងៃទី១០ សីហា នេះ នៅខាងមុខក្លិបខារ៉ាអូខេមួយកន្លែង…
ខេត្តបាត់ដំបង ៖ សេចក្តីរាយការណ៍បឋមឱ្យដឹងថា ជំទប់ទី២ឃុំមួយរូប បានផឹកស្រាស្រវឹងជោកជាំស្ទើរមួយយប់ទល់ភ្លឺ រហូតគាំងបេះដូងស្លាប់ នៅវេលាទៀបភ្លឺថ្ងៃទី១០ សីហា នេះ នៅខាងមុខក្លិបខារ៉ាអូខេមួយកន្លែង ស្ថិតក្នុងឃុំបឹងរាំង ស្រុកកំរៀង ។ នេះបើបើតាមការផ្ដល់ព័ត៌មានរបស់សមត្ថកិច្ច ។
សមត្ថកិច្ចបានប្រាប់ថា ជនរងគ្រោះខាងលើ ឈ្មោះជៀន ផូត ភេទប្រុស អាយុ២៩ឆ្នាំ រស់នៅភូមិស្វាយធំ ឃុំបឹងរាំង ស្រុកកំរៀង មានតួនាទីជាជំទប់ទី២ ឃុំបឹងរាំង ។ ប្រភពដដែលថា ជនរងក្រោះបានផឹកស៊ីក្នុងក្លិបខារ៉ាអូខេស្ទើរមួយយប់ទល់ភ្លឺស្រវឹងយ៉ាងជោកជាំ ។ ដោយសារតែស្រវឹងខ្លាំងពេក ជនរងគ្រោះក្អូតរហូតដូលសន្លប់បាត់មាត់ឈឹងតែម្ដង ។ ប៉ុន្តែនៅម៉ោង០៦ និង២០នាទីព្រឹកដដែល គេបានបញ្ជូនទៅកាន់មន្ទីរពេទ្យ តែអកុសលគាត់ស្លាប់ តាំងពីមុនបញ្ជូនទៅមន្ទីរពេទ្យម្លេ៉ះ ។
បើតាមប្រភពពីក្រុមគ្រួសារបានប្រាប់សមត្ថកិច្ចថា ប៉ុន្មានថ្ងៃកន្លងមកនេះ ជនរងគ្រោះបានបង្កើតកម្មវិធីផឹកស៊ីជាប់ៗគ្នារហូត តែគេក៏ឮជនរងគ្រោះពោលប្រាប់ថា ចេះតែមិនសូវស្រូលខ្លួនរហូតដែរ ។ បានន័យថា ជនរងគ្រោះផឹកក៏ផឹក ពោលឈឺក៏ពោល ។ ក្រុមគ្រួសារដដែលនិយាយទៀតថា នៅថ្ងៃកើតហេតុនោះលោកជំទប់ទី២ បានបើកកម្មវិធីផឹកតាំងពីថ្ងៃ រហូតដល់យប់ ហើយបន្តទៅខារ៉ាអូខេទៀត លុះនៅវេលាទៀបភ្លឺ ស្រាប់តែមានរឿងអកុសល់នេះកើតឡើងតែម្ដង។
ជុំវិញករណីនេះ បើតាមការបំភ្លឺពីសាក្សីថា ពេលកំពុងច្រៀងខារ៉ាអូខេរហូតជិតភ្លឺគឺម្នាក់ៗស្រវឹងជោកជាំទៅហើយ។ គ្រាហ៍នោះ គេឃើញជនរងគ្រោះបានបើកទ្វាររត់ចេញទៅក្អូតខាងមុខបន្ទប់ រហូតដួលសន្លប់បាត់មាត់ឈឹងតែម្ដង ។ ពេលឃើញដូច្នេះ គេក៏បានបញ្ជូនជនរងគ្រោះទៅមន្ទីពេទ្យ លុះទៅដល់ជនរងគ្រោះបានស្លាប់បាត់ទៅហើយ ដែលគេសង្ស័យថា ជនរងគ្រោះបានស្លាប់មុនពេលបញ្ជួនដល់ពេទ្យម្លេ៉ះ ។
ចែករំលែកព័តមាននេះ