អាមេរិក ៖ តាមប្រភពព័ត៌មាន Metro បានឲ្យដឹងថា ក្មេងស្រីជំទង់ម្នាក់ក្បែរនឹងអស់ជីវិត ដោយសារតែមិត្តភក្តិលេងសើចរុញទម្លាក់ទឹកទន្លេ ពេលដែលនាងកំសាកមិនហ៊ានលោត។
រឿងរ៉ាវនេះកើតឡើងនៅទន្លេ Lewis ក្នុងរដ្ឋវ៉ាស៊ីនតោន អាមេរិក ដែលកម្ពស់ពីស្ពានទៅក្នុងទឹកទន្លេខ្ពស់ដល់ទៅជិត២០ម៉ែត្រ។ ក្រុមក្មេងៗសិស្សសាលាបានថតវីដេអូពេលលេងលោតទឹកពីស្ពាន។ នៅពេលនោះ មានក្មេងស្រីម្នាក់ដែលជាជនរងគ្រោះ មិនហ៊ានលោតទេ តែនាងមកធ្វើហាក់បីដូចជាចង់លោត។ ដោយឃើញដូចនេះ មិត្តភក្តិស្រីរបស់នាងក៏រុញនាងបន្ថែម ដែលធ្វើឲ្យនាងមិនបានត្រៀមខ្លួនទុកជាមុន។ ពេលទៅដល់ក្នុងទឹក នាងស្រាប់តែរងរបួសធ្ងន់ រួចយកទៅមន្ទីរពេទ្យ។
ម្តាយរបស់នាងឈ្មោះ Genelle ប្រាប់សារព័ត៌មាន KATU 2 ថា៖ «កូនស្រីរបស់ខ្ញុំត្រូវដេកពេទ្យយូរណាស់ហើយមើលទៅ។ ខ្ញុំគិតថា មិត្តរបស់នាងគួរតែចេញមុខដោះស្រាយរឿងនេះ។ វាមិនមែនជារឿងធម្មតាទេ។ នាងស្ទើរតែសម្លាប់កូនស្រីខ្ញុំទៅហើយ»។
គួរបញ្ជាក់ផងដែរថា មូលហេតុក្រៅពីមកពីមិត្តភក្តិរបស់នាងរុញ គឺដោយសារតែនៅទីនោះមានថ្មច្រើននៅខាងក្រោម ហើយវាក៏មិនមែនជាកន្លែងសម្រាប់លោតទឹកលេងដែរ។ ហេតុតែមិនគោរពតាមបម្រាម នាងត្រូវរងរបួសបាក់ឆ្អឹងទ្រូង៥កង់ និងរបួសគ្រាំសួតទៀតផង៕ វីដេអូឃ្លីបដកស្រង់ចេញពី ៖ News Leak Replacement
ចែករំលែកព័តមាននេះ