អ្នកប្រហែលជាពឹងពាក់ទៅលើទូរស័ព្ទឆ្លាតវៃទាំងស្រុង ហើយគ្រប់ពេលដែលនិយាយដល់រឿងលេខទូរស័ព្ទ អ៊ីម៉ែល និងអ្វីដែលត្រូវធ្វើដោយមិនអាចខ្វះវាបាន ដូច្នេះយើងអាចនឹងវង្វេង ហើយនៅពេលដែលមិនមានរបស់នេះក្នុងដៃ ។ ចូរប្រឈមនឹងបញ្ហានេះទេ ព្រោះវិធីឆ្លាតវៃទាំងនេះនឹងធ្វើឲ្យការចងចាំអ្នកទៅជាល្អវិញ ។…
អ្នកប្រហែលជាពឹងពាក់ទៅលើទូរស័ព្ទឆ្លាតវៃទាំងស្រុង ហើយគ្រប់ពេលដែលនិយាយដល់រឿងលេខទូរស័ព្ទ អ៊ីម៉ែល និងអ្វីដែលត្រូវធ្វើដោយមិនអាចខ្វះវាបាន ដូច្នេះយើងអាចនឹងវង្វេង ហើយនៅពេលដែលមិនមានរបស់នេះក្នុងដៃ ។ ចូរប្រឈមនឹងបញ្ហានេះទេ ព្រោះវិធីឆ្លាតវៃទាំងនេះនឹងធ្វើឲ្យការចងចាំអ្នកទៅជាល្អវិញ ។
វានឹងធ្វើឲ្យស្រួលបួលវិញ ប៉ុន្តែមិនមែនជាការប្រើប្រាស់ខួរក្បាលដើម្បីការចងចាំឲ្យមានរយៈពេលយូរឡើយ ។ អ្នកនឹងយល់ថា ការយកចិត្តទុកដាក់របស់អ្នកមិនមែនជាមធ្យោបាយដែលធ្លាប់ធ្វើពីមុនឡើយ ហើយក៏អាចនឹងពិបាករកពេលដែលចងចាំរឿងជាច្រើនដែរ ។ បើសិនជាអ៊ីចឹងមែន យកល្អគួរតែធ្វើរឿងខាងក្រោមនេះដើម្បីជំនួយដល់ការចងចាំរបស់អ្នកទៅ ។
១-ទន្ទេញម្តងហើយម្តងទៀត ៖ វាគឺជារឿងធម្មតាទេក្នុងការភ្លេចឈ្មោះនរណាម្នាក់ ជាពិសេសនៅពេលដែលគេណែនាំឲ្យអ្នកដឹងជាលើកដំបូង ។ ឃើញទេវាមិនមែណចេះតែគ្រប់គ្រាន់ទេត្រង់ការស្តាប់លឺឈ្មោះតែមួយមុខ យើងត្រូវការខំប្រឹងប្រែងខ្លាំងដើម្បីចាំឈ្មោះគេនោះទេ ។ នៅថ្ងៃក្រោយ អ្នកបានជួបអ្នកថ្មីទៀត ចូរព្យាយាមប្រើប្រាស់ឈ្មោះរបស់គេឲ្យបានច្រើនគ្រប់ពេលសន្ទនាវិញ ។ នោះខួរក្បាលអ្នកនឹងរក្សាទុកឈ្មោះគេរួចហើយ ។
២-អាន ៖ បើសិនជាអ្នកចង់ចងចាំសៀវភៅ កំណត់ត្រា និងរឿងដែលអ្នកចង់ចាំ អ្នកត្រូវតែអានវាហើយ ។ ចូរកត់ចំណាំក្រោយពេលដែលអ្នករំលឹករួច ដើម្បីចងចាំវានៅក្នុងខួរក្បាលតាមរយៈការអានឲ្យបានច្រើន ។ រឿងនេះនឹងជួយបានច្រើនសម្រាប់អ្នកដែលកំពុងតែរៀនត្រៀមប្រឡង ។
៣-ការចូលរួមក្នុងសង្គម ៖ មែនហើយ ការមានវត្តមានរបស់បណ្តាញសង្គម ការចូលរួមសង្គមបានធ្វើឲ្យមនុស្ស ម្នាក់ៗប្រឡូកក្នុងវិស័យឌីជីថល ច្រើនហើយក៏មានសមត្ថភាពបន្តធ្វើរឿងជាច្រើនក្នុងសង្គមនោះច្រើនដែរ ។ មែនហើយ យើងប្រើប្រាស់បណ្តាញសង្គមដើម្បីទទួលបានបទពិសោធន៍ ប៉ុន្តែយើងច្រើនតែភ្លេចរស់នៅដើម្បីចងចាំរឿងជាច្រើនដែរ ដូច្នេះយើងក៏ច្រើនតែភ្លេចភ្លាំងដែរ ។ លើកក្រោយ បើអ្នកមានគម្រោងជួបជាមួយមិត្តភក្តិ ចូរមិនបាច់ជួបតាម Facebook ទេ តែទៅខាងក្រៅជួបគ្នា និងញ៉ាំកាហ្វេជាមួយគ្នាវិញទៅ។
៤-សរសេរទុក ៖ ការសរសេររាល់ព័ត៌មានទាំងឡាយនឹងជួយពង្រឹងដល់សមត្ថភាពចងចាំរបស់ខួរក្បាលមនុស្សយើង ។ បើសិនជាអ្នកនៅសាលារៀន ការប្រើប្រាស់សៀវភៅកំណត់ហេតុ និងប៊ិចគឺជារឿងល្អជាងប្រើកុំព្យូទ័រ ឬថាប្លេតជាង ។ អ្នកឹងនឹងយល់ថា អ្នកចំណាយពេលក្នុងការសរសេរច្រើនជាង ហើយក៏ងាយស្រួលចងចាំរឿងគ្រប់យ៉ាង ឬព័ត៌មាន សំខាន់ៗផងដែរ ។
៥-ការហាត់ប្រាណ ៖ មនុស្សយើងភាគច្រើនគិតថា ការហាត់ប្រាណគឺជារឿងដែលជួយដល់ការសម្រកទម្ងន់ ពង្រឹងដល់សាច់ដុំ និងពង្រឹងដល់សុខភាព ។ មែនហើយ មធ្យោបាយមួយទៀតដែលការហាត់ប្រាណជួយដែរនោះគឺ ការចងចាំរបស់មនុស្ស ។ កាលណាអ្នកហាត់ប្រាណកាន់តែច្រើន ខួរក្បាលនឹងមានសមត្ថភាពរក្សាព័ត៌មានកាន់តែល្អជាងមុន ។ អ្នកនឹងយល់ថា វាកាន់តែងាយស្រួលក្នុងការចងចាំរយៈពេលយូរ ។
៦-ធ្វើតេស្ត ៖ អ្វីដែលជាមធ្យោបាយដ៏ល្អក្នុងការពង្រឹងការចងចាំ គឺតាមរយៈការធ្វើតេស្តការចងចាំ ។ ចូរប្រើវិធីធ្វើតេស្ត ផ្គូរផ្គង់ពាក្យ និងលេងល្បែងវង្វេង ដូច្នេះអ្នកអាចនឹងចងចាំថាអ្នកអាចធ្វើវាបានដោយរបៀបណា។
៧-គេង ៖ ការគេងគឺជារឿងសំខាន់សម្រាប់មនុស្សយើង ដោយសារតែវាគឺជាពេលវេលាដែលរាកងាយរបស់យើងបញ្ចូលថាមពល និងជួសជុលអ្វីដែលខូចខាត ។ ឥឡូវនេះ ការគេងក៏អាចជួយជម្រុញដល់ការចងចាំបានដែរ ដូច្នេះចូរគេងឲ្យបានច្រើនតាមតែអាចធ្វើទៅបាន ហើយការគេងបានដល់ ៨ម៉ោងកាន់តែល្អថែមទៀត ។ ការគេងថ្ងៃអាចជួយដែរ ព្រោះអ្នកកំពុងតែប្រមូលផ្តុំនូវការចងចាំដែលនឹងរក្សាទុកក្នុងខួរក្បាលរយៈពេលវែង (ប្រភពពី៖ Health.com.kh) ៕
ចែករំលែកព័តមាននេះ