ប្រទេសស៊ីរី ៖ សង្គ្រាមដែលបំផ្លិចបំផ្លាញស៊ីរី ចាប់តាំងពីជាង៧ឆ្នាំមកហើយ តាមការវាយតម្លៃកាលពីថ្ងៃទី៨ សីហា របស់អង្គការសហប្រជាជាតិថា បង្កការខូចខាតដល់ទៅប្រមាណជិត៤០០ពាន់លានដុល្លារ។ ការវាយតម្លៃនេះចេញផ្សាយក្រោយកិច្ចប្រជុំមួយនៅទីក្រុងបៃរូត របស់អ្នកជំនាញការស៊ីរី…
ប្រទេសស៊ីរី ៖ សង្គ្រាមដែលបំផ្លិចបំផ្លាញស៊ីរី ចាប់តាំងពីជាង៧ឆ្នាំមកហើយ តាមការវាយតម្លៃកាលពីថ្ងៃទី៨ សីហា របស់អង្គការសហប្រជាជាតិថា បង្កការខូចខាតដល់ទៅប្រមាណជិត៤០០ពាន់លានដុល្លារ។ ការវាយតម្លៃនេះចេញផ្សាយក្រោយកិច្ចប្រជុំមួយនៅទីក្រុងបៃរូត របស់អ្នកជំនាញការស៊ីរី និងអន្តរជាតិជាង៥០រូប។
គណៈកម្មាធិការសេដ្ឋកិច្ច និងសង្គមកិច្ចអង្គការសហប្រជាជាតិសម្រាប់អាស៊ីខាងលិចCESAO វាយតម្លៃថា ទំហំនៃការបំផ្លាញមានទឹកប្រាក់ជាង៣៨៨ពាន់លានដុល្លារ។ តួលេខនោះពុំបញ្ចូលការបាត់បង់ធនធានមនុស្សផងទេ។
ចំណែកឯធនាគារពិភពលោកនិយាយថា កាលពីឆ្នាំ២០០៧ ផលទុនជាតិសរុបរបស់ស៊ីរីមានខ្ទង់៤០ពាន់លានដុល្លារ គឺតែប្រមាណ១ភាគ១០នៃការបំផ្លាញដោយសង្គ្រាមប៉ុណ្ណោះ។
ជាងពាក់កណ្ដាលនៃប្រជាជនស៊ីរីបានភៀសខ្លួនចេញពីប្រទេស ឬរត់ភៀសខ្លួនរយៈពេល៧ឆ្នាំចុងក្រោយនេះ ចំណែកជម្លោះបណ្ដាលឲ្យមនុស្សស្លាប់ជាង៣៥០.០០០នាក់រួចហើយ៕
ចែករំលែកព័តមាននេះ