ខេត្តបន្ទាយមានជ័យ ៖ ពីរនាក់ប្តីប្រពន្ធធ្វើការសំណង់ត្រូវខ្សែភ្លើងឆក់របួសធ្ងន់គ្រូពេទ្យសង្គ្រោះប្តីកាត់ដៃទាំង២ និងប្រពន្ធកាត់ដៃទាំង២ និងជើងឆ្វេងម្ខាងទៀត ត្រូវបានសាខាកាកបាទក្រហមកម្ពុជាខេត្តនាំយកអំណោយជូនកាលពីថ្ងៃទី០៨ ខែសីហា ឆ្នាំ២០១៨ នៅមន្ទីពេទ្យមិត្តភាព កម្ពុជា-ជប៉ុន…
ខេត្តបន្ទាយមានជ័យ ៖ ពីរនាក់ប្តីប្រពន្ធធ្វើការសំណង់ត្រូវខ្សែភ្លើងឆក់របួសធ្ងន់គ្រូពេទ្យសង្គ្រោះប្តីកាត់ដៃទាំង២ និងប្រពន្ធកាត់ដៃទាំង២ និងជើងឆ្វេងម្ខាងទៀត ត្រូវបានសាខាកាកបាទក្រហមកម្ពុជាខេត្តនាំយកអំណោយជូនកាលពីថ្ងៃទី០៨ ខែសីហា ឆ្នាំ២០១៨ នៅមន្ទីពេទ្យមិត្តភាព កម្ពុជា-ជប៉ុន មង្គលបូរី ។
លោក លី សារី អភិបាលរងខេត្ត និងជាប្រធានសាខាកាកបាទក្រហមកម្ពុជាខេត្តបន្ទាយមានជ័យបានប្រាប់ថា ជនរងគ្រោះដោយខ្សែភ្លើងឆក់រងរបួសធ្ងន់២នាក់ប្តីប្រពន្ធដែលកំពុងសម្រាកព្យាបាល ប្តីឈ្មោះ ភៀង ចាន់ណា អាយុ៤៩ឆ្នាំ ត្រូវគ្រូពេទ្យសង្គ្រោះដោយកាត់ដៃទាំង២ និងប្រពន្ធឈ្មោះ យ៉ិល សំ អាយុ៥១ឆ្នាំ ត្រូវគ្រូសង្គ្រោះដោយកាត់ដៃទាំង២ និងជើងម្ខាងខាងឆ្វេង ២នាក់ប្តីប្រពន្ធមានមុខរបបជាង និងកម្មករសំណង់ដែលរស់នៅភូមិ-សង្កាត់ទឹកផ្លា ក្រុងសិរីសោភ័ណ ។
តាមសំដីប្តីប្រពន្ធដែលរងគ្រោះដោយខ្សែភ្លើងឆក់រងរបួសធ្ងន់គឺពួកគាត់ធ្វើការការដ្ឋានសំណង់មួយកន្លែងនៅក្រុងប៉ោយប៉ែត ហើយកំពុងធ្វើការសំណង់ដោយលើកដែកម្នាក់ឯងមិនរួចឃើញបានទៅជួយលើកប្តី ស្រាប់តែលើដែកទាក់ខ្សែភ្លើងឆ្លងចរន្តបណ្តាលឱ្យឆក់ទាំងប្តី និងប្រពន្ធបណ្តាលរបួសធ្ងន់ត្រូវបានសង្គ្រោះបន្ទាន់មកមន្ទីពេទ្យមិត្តភាព កម្ពុជា-ជប៉ុន មង្គលបូរីបានសង្គ្រោះបន្ទាន់ដោយឃើញដៃជើងពីនាក់ប្តីប្រពន្ធរងការឆេះខ្លោចសាច់ខូចទើបធ្វើការវះកាត់ ដោយប្តីត្រូវកាត់ដៃទាំង២ និងប្រពន្ធកាត់ដៃទាំង២ និងជើងម្ខាងចេញ ដើម្បីសង្គ្រោះអោយផុតជីវិតពីគ្រោះថ្នាក់ ដែលការឆក់ខ្សែភ្លើងតាំងពីថ្ងៃទី២៧ ខែកក្កដា ឆ្នាំ២០១៨ នៅការដ្ឋានសំណង់នៅក្រុងប៉ោយប៉ែត ។
លោក លី សារី បានបញ្ជាក់ថា ក្រោយពេលទទួលព័ត៌មានបានដឹងមានពីរនាក់ប្តីព្រពន្ធត្រូវបានឆក់ខ្សែភ្លើងហើយកាត់ដៃ និងជើង និងមានកូនស្រី អាយុ២០ឆ្នាំ និយាយមិនកើត (គ) គួរឱ្យអាណោចអាធម៌ លោកបានដឹកនាំសមាជិកសាខាកាកបាទក្រហមកម្ពុជាខេត្តបន្ទាយមានជ័យនាំយកអំណោយជូនមានអង្ករ២៥គីឡូក្រាម, ត្រីខ១០កំប៉ុង, ទឹកត្រី ទឹកស៊ីអ៊ីវ៦ដប, ប្រេងឆារ១ដប, សាប៊ូម្សៅ១គីឡូក្រាម, ភួយ១, មុង១, សារ៉ុង១, ក្រម៉ា១ និងថវិការមួយចំនួនហើយសួរសុខទុក្ខអ្នកជម្ងឺក្នុងអគារជាមួយជូនអំណោយឃីត១កញ្ចប់ ៕
ចែករំលែកព័តមាននេះ