គួរកត់ចំណាំចាំទុកឱ្យប្រាកដថា មនុស្សយើងរស់នៅរួមគ្នាក្នុងសង្គមនេះច្របូកច្របល់ទៅដោយក្រុមមនុស្សច្រើនប្រភេទ ដូច្នេះត្រូវអប់រំចិត្តចម្រើនខន្តី គ្រប់ពេលដើម្បីបញ្ចៀសការវិវាទនឹងគ្នាដោយប្រការផ្សេងៗ ព្រោះមនុស្សយើងមានចរិតមិនដូចគ្នាទេ ឧបនិស្ស័យក៏កាន់តែផ្សេងគ្នាទៅទៀត ដោយមនុស្សពួកខ្លះ ក្រាស់ទៅដោយកិលេស ឯពួកខ្លះទៀតកិលេសស្រាលស្ដើង ពួកខ្លះមានចរិតសុភាពរាបសា…
គួរកត់ចំណាំចាំទុកឱ្យប្រាកដថា មនុស្សយើងរស់នៅរួមគ្នាក្នុងសង្គមនេះច្របូកច្របល់ទៅដោយក្រុមមនុស្សច្រើនប្រភេទ ដូច្នេះត្រូវអប់រំចិត្តចម្រើនខន្តី គ្រប់ពេលដើម្បីបញ្ចៀសការវិវាទនឹងគ្នាដោយប្រការផ្សេងៗ ព្រោះមនុស្សយើងមានចរិតមិនដូចគ្នាទេ ឧបនិស្ស័យក៏កាន់តែផ្សេងគ្នាទៅទៀត ដោយមនុស្សពួកខ្លះ ក្រាស់ទៅដោយកិលេស ឯពួកខ្លះទៀតកិលេសស្រាលស្ដើង ពួកខ្លះមានចរិតសុភាពរាបសា ឯពួកខ្លះទៀតព្រហើន កោងកាច សាហាវព្រៃផ្សៃ ។
ត្រូវចាំថា យើងកើតមកបានទាន់បានជួបនឹងធម៌ព្រះពុទ្ធ គួរមានប្រយោជន៍ដល់ការសិក្សានូវការពិតនៃជីវិត ដែលការពិតនោះមាននៅក្នុងជីវិតខ្លួនឯងផង និងជីវិតអ្នកដទៃផង ដើម្បីបានជាប្រយោជន៍ដល់ការរុងរឿងនៃសាសនា និងសុខសន្តិភាពនៃសង្គមជាតិ ដែលយើងទាំងអស់គ្នាកំពុងអាស្រ័យសព្វថ្ងៃនេះ ។
ព្រះបរមសាស្តាទ្រង់ត្រាស់ថា អំណត់គឺការអត់ធន់ជាតបធម៌សម្រាប់ដុតបំផ្លាញនូវអកុសលលធម៌ទាំងឡាយ ដូច្នេះបរិស័ទត្រូវចេះអត់ធន់ឱ្យបានច្រើន ដើម្បីដឹកនាំចិត្តរបស់ខ្លួនឱ្យត្រជាក់ផង និងដើម្បីមិនបង្កការក្ដៅក្រហាយដល់អ្នកដទៃផង ។
ចែករំលែកព័តមាននេះ