ខ្សែប្រយុទ្ធកាណាដា Janine Beckie ក្លាយជាមាន់ថ្មីនៅ Man City
តាមប្រភពព័ត៌មាន The Star បានឲ្យដឹងថា កីឡាករខ្សែប្រយុទ្ធក្រុមជម្រើសជាតិកាណាដា Janine Beckie បានចាកចេញពីក្លិប Sky Blue…
តាមប្រភពព័ត៌មាន The Star បានឲ្យដឹងថា កីឡាករខ្សែប្រយុទ្ធក្រុមជម្រើសជាតិកាណាដា Janine Beckie បានចាកចេញពីក្លិប Sky Blue FC ទៅកាន់ក្លិបមេឃខៀវនារី Manchester City កាលពីយប់ថ្ងៃពុធកន្លងមកនេះ ។
Beckie ដែលនឹងឈានចូលវ័យ២៤ឆ្នាំ នៅថ្ងៃទី២០ ខែសីហា ឆ្នាំ២០១៨ ខាងមុខនេះទើបតែចូលក្លិប Man City បានសម្រេចជាផ្លូវការនៅកាលពីថ្ងៃពុធ ក្រោយការចរចារគ្នាអស់ពេលជាច្រើនសប្តាហ៍ ។
នាងបានប្រាប់សារព័ត៌មានកាណាដាថា ៖ «វាពិតជាពេលដ៏រំភើបសម្រាប់ខ្ញុំ ។ ខ្ញុំនៅតែភ័យៗនៅឡើយ ។ វាពិតជាអស្ចារ្យណាស់ ដែលសុបិន្តរបស់ខ្ញុំក្លាយទៅជាការពិត» ។
Manchester City បានចាប់ផ្តើមប្រកួតវគ្គត្រៀមបើករដូវកាលរួចមកហើយ ។ Beckie ត្រូវគេរំពឹងថា នឹងអាចចូលលេង ក្រោយពេលប្រកួតឲ្យក្រុមកាណាដាជាមួយនឹងប្រេស៊ីលនៅអូតាវ៉ា នៅថ្ងៃទី២ ខែកញ្ញា ខាងមុខ ។
គួរបញ្ជាក់ផងដែរថា តាំងពីចូលលេងកាលពីឆ្នាំ២០១៤ ខែវិច្ឆិកា មក Beckie បានស៊ុតគ្រាប់បាល់ចូលសំណាញ់២២គ្រាប់ ក្នុងការប្រកួត៤៣ដង សម្រាប់កាណាដា ដែលធ្វើឲ្យនាងនាពេលនេះក្លាយទៅជាកីឡាករខ្លាំងប្រចាំក្រុម ៕
ចែករំលែកព័តមាននេះ