រាជធានីភ្នំពេញ ៖ សេចក្តីរាយការណ៍បន្តឱ្យដឹងទៀតថា ករណីបង្ក្រាបគ្រឿងញៀនជិត១០០គីឡូក្រាម តាមច្រកបញ្ញើប្រៃសណីយ៍នោះ នៅវេលាម៉ោងជិត១២ថ្ងៃត្រង់ថ្ងៃទី១០ សីហា នេះ បានឃើញរថយន្តរបស់សមត្ថកិច្ចសន្តិសុខផ្ទៃក្នុង បានបញ្ជូនគ្រឿងរួមទាំងជនសង្ស័យម្នាក់ មកកាន់សាលាដំបូងរាជធានីភ្នំពេញ ។
សេចក្តីរាយការណ៍បន្តថា នៅមិនទានស្គាល់ឈ្មោះជនសង្ស័យនៅឡើយ គ្រាន់តែដឹងថា ជាជនជាតិចិន ។ ដោយឡែក គ្រឿងញៀនទាំងនោះ បាននាំមកពីប្រទេសអាល្លឺម៉ង់ ហើយសុទ្ធសឹងជាថ្នាំញៀនគ្រវីទាំងអស់ ។ ជនសង្ស័យរូបនេះ បានចេញទៅទទួលគ្រឿងញៀន ក៏ត្រូវកម្លាំងក្របួចជាប់តែម្តង ។
ប្រភពបន្តថា ខណៈសមត្ថកិច្ចនាំជនសង្ស័យតាមរថយន្តចូលដល់ក្នុងបរិវេណសាលាដំបូងរាជធានីភ្នំពេញនោះ គឺមិនត្រូវបានអនុញ្ញាតឱ្យអ្នកកាសែតចូលថតក្នុងបរិវេណសាលាដំបូងនោះទេ ។ បច្ចុប្បន្ន ជនសង្ស័យកំពុងស្ថិតក្នុងបន្ទប់នៃសាលាដំបូង ដើម្បីរង់ចាំការសាកសួរពីសំណាក់ស្ថាប័នអយ្យការ ។
គួររំលឹកថា ៖ អស់ទាស់…គ្រឿងញៀនជិត១០០គីឡូ ទើបបង្ក្រាបនៅប្រៃសណីយ៍
ចែករំលែកព័តមាននេះ