ខេត្តរតនគិរី ៖ បុរសជនជាតិទំពួនម្នាក់ខូចចិត្តនឹងអត់ដីធ្វើចម្ការ និងផឹកស្រាសជារៀងរាល់ថ្ងៃសម្រេចចិត្តចង.កសម្លាប់ខ្លួន ។ ហេតុការណ៍នេះបានកើតឡើងថ្ងៃទី១០ ខែសីហា ឆ្នាំ២០១៨ វេលាម៉ោង៧និង៣២នាទីព្រឹក ដែលរស់នៅភូមិប៉ាអរ…
ខេត្តរតនគិរី ៖ បុរសជនជាតិទំពួនម្នាក់ខូចចិត្តនឹងអត់ដីធ្វើចម្ការ និងផឹកស្រាសជារៀងរាល់ថ្ងៃសម្រេចចិត្តចង.កសម្លាប់ខ្លួន ។ ហេតុការណ៍នេះបានកើតឡើងថ្ងៃទី១០ ខែសីហា ឆ្នាំ២០១៨ វេលាម៉ោង៧និង៣២នាទីព្រឹក ដែលរស់នៅភូមិប៉ាអរ ឃុំកិចចុង ស្រុកបរកែវ ។
ករណីខាងលើនេះសមត្ថកិច្ចមូលដ្ឋានបានឲ្យដឹងថា ជនរងគ្រោះមានឈ្មោះទីង ហ្យៅ ភេទប្រុស អាយុ៣៩ឆ្នាំ ជនជាតិទំពួន មុខរបរកសិករ ក្រោយពីកើតហេតុសមត្ថកិច្ចប៉ូលិសស្រុក-ខេត្ត បានទៅធ្វើកោសល្យវិច្ឆ័យ ហើយសមត្ថកិច្ចបានបញ្ជាក់ប្រាប់សារពត៌មានថា ជនរងគ្រោះបានចង.កសម្លាប់ខ្លួនឯងនៅក្នុងបន្ទប់ដេកតែម្តងដោយយកខ្សែអង្រឹងប្រវែង២,៥ម៉ែត្រចងជាប់ជាមួយនឹងមេដំបូលផ្ទះកម្ពស់២ម៉ែត្របណ្តាលឲ្យស្លាប់ភ្លាមៗនៅកន្លែងកើតហេតុ ។
លទ្ធផលធ្វើកោសល្យវិនិច្ឆ័យជនរងគ្រោះពិតជាធ្វើអត្តឃាតចង.កសម្លាប់ខ្លួនឯងគ្មានអំពើរឃាតកម្មកើតឡើងនោះទេ ។ បច្ចុប្បន្នសមត្ថកិច្ចបានប្រគល់សពឲ្យសាច់ញាតិធ្វើបុណ្យតាមប្រពៃណីជនជាតិទំពួន ។
សមត្ថកិច្ចដដែលបានបន្តទៀតថា មុននឹងឈានទៅដល់ជនរងគ្រោះចង.កសម្លាប់ខ្លួននោះត្រូវបានប្រពន្ធ និងបងប្អូនរបស់ជនរងគ្រោះបាននិយាយថា ពិកបាកចិត្តដោយអត់ដីចម្ការធ្វើដូចអ្នកភូមិ ហើយជនរងគ្រោះរយៈពេល១ឆ្នាំនេះផឹកស្រាសជាប្រចាំមិនដែលលោះថ្ងៃឡើយ ជួនការមិនហូបបាយជាញឹកញាប់ ហើយជនរងគ្រោះចេះរអួរប្រាប់សាច់ញាតិជាញឹកញាប់ថា សព្វថ្ងៃនេះគាត់អត់ចង់រស់ទើបនៅថ្ងៃកើតហេតុនេះជនរងគ្រោះចង.កសម្លាប់ខ្លួនតែម្តង ធ្វើឲ្យមានការភ្ញាក់ផ្អើលដល់សាច់ញាតិ និងអ្នកភូមិយ៉ាងខ្លាំង ៕
ចែករំលែកព័តមាននេះ