ខេត្តមណ្ឌលគិរី ៖ សេចក្តីរាយការណ៍បឋមឱ្យដឹងថា មានការផ្ទុះអាវុធជាច្រើនគ្រាប់ ខណៈមន្ត្រីឧទ្យានុរក្សកំពុងប្រតិបត្តិការបង្ក្រាបការដឹកជញ្ជួនឈើខុសច្បាប់មួយ ស្ថិតក្នុងដែនជម្រកការពារសត្វព្រៃកែវសីមា កាលពីម៉ោង៤ទៀបភ្លឺថ្ងៃទី១០ សីហា (ចំណុចទឹកខួប) តាមបណ្តោយផ្លូវជាតិលេខ៧៦…
ខេត្តមណ្ឌលគិរី ៖ សេចក្តីរាយការណ៍បឋមឱ្យដឹងថា មានការផ្ទុះអាវុធជាច្រើនគ្រាប់ ខណៈមន្ត្រីឧទ្យានុរក្សកំពុងប្រតិបត្តិការបង្ក្រាបការដឹកជញ្ជួនឈើខុសច្បាប់មួយ ស្ថិតក្នុងដែនជម្រកការពារសត្វព្រៃកែវសីមា កាលពីម៉ោង៤ទៀបភ្លឺថ្ងៃទី១០ សីហា (ចំណុចទឹកខួប) តាមបណ្តោយផ្លូវជាតិលេខ៧៦ ក្នុងភូមិអូរអាម ឃុំស្រែខ្ទុម ស្រុកកែវសីមា ។
លោក កែវ សុភគ៌ ប្រធានមន្ទីរបរិស្ថានខេត្តបានឱ្យដឹងថា កាលពីវេលាម៉ោង១២ និង៤៧នាទីអធ្រាត្ រចូលថ្ងៃទី១០ សីហា នោះ ជំនាញដែនជម្រកសត្វព្រៃកែវសីមា បានបើកចុះប្រតិបត្តិការនៅចំណុចទីតាំងកិនថ្ម ក៏បានជួបម៉ូតូដឹកឈើមួយគ្រឿង ដឹកឈើកកោះឡាំងជ្រុង៤ដុំ និងឈើនៅក្បែម៉ូតូចំនួន៦ដុំទៀត និងបានឃាត់ចាប់ម៉ូតូម៉ាកវ៉េវ ដឹកជញ្ជូនស្បៀងទៅឱ្យក្រុមអារឈើស្រឡៅឡាំងជ្រុងនៅក្នុងព្រៃ ។
លោកបន្តថា ពេលជំនាញរឹបអូសវត្ថុតាងទាំងអស់ មករក្សាទុកនៅស្នាក់ការកែវសីមា ស្រាប់តែមកដល់ចំណុចទឹកខួប ស្ថិតនៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ក៏ចេញមុខជនសង្ស័យមួយក្រុម បានយករថយន្តពីរគ្រឿងមកបិទរាំងផ្លូវឡាន មិនឱ្យដឹកវត្ថុតាងទៅទេ ។ ភ្លាមៗនោះ ឃើញមានរថ យន្តមួយគ្រឿងទៀតម៉ាកកាមរីឆ្លាម ពណ៌ខ្មៅ ដឹកមនុស្សពេញប្រមាណ១០នាក់ទៀត មករារាំងរំដោះយកវត្ថុតាងដែលសង្ស័យថា «មានមេខ្លោងឈ្មោះយាយក្រហម» ជាអ្នកបើកបរ។
លោក ឌិន ប៊ុនធឿន នាយកដែនជម្រកសត្វព្រៃកែវសីមាឲ្យដឹងថា ស្ថិតនៅក្នុងស្ថានភាពប្រឈមនេះ
លោកបានបញ្ជាឱ្យកម្លាំងបាញ់បំបែកកង់ឡានអស់ចំនួនប្រាំគ្រាប់ ក៏ធ្វើឱ្យពួកគេទាំងនោះផ្អើលរត់ចែកជើងគ្នាបាត់ស្រមោលអស់ទៅ ។ លោកបន្តថា ដើម្បីការពារសុវត្ថិភាព លោកក៏បានសុំកម្លាំងពីអធិការស្រុកដើម្បីការពារបន្ថែម ។
ទោះបីជាយ៉ាងណា លោក កែវ សុភគ៌ ប្រធានមន្ទីរបរិស្ថានខេត្តបញ្ជាក់ថា គិតត្រឹមម៉ោង១១ថ្ងៃទី១០ សីហា នេះ កម្លាំងជំនាញបានបញ្ជូនសំណុំរឿងទៅកាន់សាលាដំបូងខេត្ត និងរង់ចាំបញ្ជាពីលោកព្រះអាជ្ញា ដើម្បីឃាត់ខ្លួនអ្នកពាក់ព័ន្ធ ព្រោះមុខសញ្ញាត្រូវបានជំនាញកំណត់បានអស់ហើយ ។
ចែករំលែកព័តមាននេះ