ខេត្តត្បូងឃ្មុំ ៖ នារសៀលថ្ងៃទី០៩ សីហា ២០១៨ កម្ពស់ទឹកទន្លេមេគង្គបានហក់ឡើងដល់១៥,២៤ម៉ែត្រលើសពីកម្រិតប្រកាសឲ្យប្រុងប្រយ័ត្ន១៥,២០ម៉ែត្រ ជិត២.០០០គ្រួសារជម្លៀសមកកាន់ទួលសុវត្ថិភាព ។ ជាមួយនោះលោកឧត្តមសេនីយ៍ទោ បែន…
ខេត្តត្បូងឃ្មុំ ៖ នារសៀលថ្ងៃទី០៩ សីហា ២០១៨ កម្ពស់ទឹកទន្លេមេគង្គបានហក់ឡើងដល់១៥,២៤ម៉ែត្រលើសពីកម្រិតប្រកាសឲ្យប្រុងប្រយ័ត្ន១៥,២០ម៉ែត្រ ជិត២.០០០គ្រួសារជម្លៀសមកកាន់ទួលសុវត្ថិភាព ។
ជាមួយនោះលោកឧត្តមសេនីយ៍ទោ បែន រ័ត្ន ស្នងការនគរបាលខេត្ត និងសហការីជាច្រើននាក់បានចុះពិនិត្យទីទួលសុវត្ថិភាព នៅកំពង់ទ្រាស ស្រុកក្រូចឆ្មារ ត្រៀម និងចែកអំណោយជាង៣.០០០គ្រួសារ ក្រោមអធិបតីភាពសម្តេចកិត្តិព្រិទ្ធិបណ្ឌិត ប៊ុន រ៉ានី-ហ៊ុន សែន នាពេលដ៏ឆាប់ខាងមុខនេះ ។
អ្នកស្រី ស៊ុញ ប៉ិញ អាយុ៥៨ឆ្នាំ នៅភូមិរកាធំ ឃុំជីរោទី១ ស្រុកត្បូងឃ្មុំ ប្រាប់ថា នៅចំថ្ងៃបោះឆ្នោតទី
២៩ កក្កដាកន្លងទៅទឹកទន្លេបានឡើងមកជន់លិចក្រោមផ្ទះ ដោយគោចំនួន០៤ក្បាល នៅមិនកើតត្រូវ
បានដឹកមកស្នាក់នៅបណ្តោះអាសន្នទីទួលសុវត្ថិភាពឃុំទន្លេបិទ ។ រួមជាមួយនឹងអ្នកភូមិផ្សេងទៀត
មានរហូតដល់ទៅរាប់រយគ្រួសារ ដោយបានជួបនឹងការលំបាកគ្រប់បែបយ៉ាង ។
អ្នកស្រី ស៊ុញ ប៉ិញ ប្រាប់បន្តថា ជាមួយនឹងការលំបាកនោះត្រូវបានអាជ្ញាធរគ្រប់លំដាប់ថ្នាក់បានជួយ
រៀបចំឲ្យមានទឹកស្អាតប្រើប្រាស់ បង្គន់អនាម័យ ហើយកន្លងទៅថ្មីៗនេះសម្តេចកិត្តិព្រឹទ្ធបណ្ឌិត
ប៊ុន រ៉ានី ហ៊ុន សែន បានចុះមកចែកអំណោយជូនដល់ពលរដ្ឋ រងគ្រោះដោយទឹកជំនន់មានដល់ទៅ
រាប់ពាន់គ្រួសារ ហើយគាត់ក៏បានទទួលនឹងគេដែរ ។ ពិតជាមានក្តីសប្បាយរីករាយព្រោះថា កំពុងតែជួបការលំបាកត្រូវបានអំណោយមកដល់ ពិតជាបានជួយដោះស្រាយនូវទុក្ខលំបាកបានមួយគ្រាដែរ ។
ដោយនៅព្រឹកថ្ងៃទី០៩ សីហា ២០១៨ គាត់មានអាការវិលមុខមិនស្រួលខ្លួនបានដើរមករកសេវាព្យាបាលនៅត្រង់ទីទួលសុវត្ថិភាពដែលមានគ្រូពេទ្យនៅប្រចាំការ ដោយមិនមានការចំណាយលុយឡើយ ។
លោកឧត្តមសេនីយ៍ទោ បែន រ័ត្ន ស្នងការនគរបាលខេត្តមានប្រសាសន៍ឲ្យដឹងថា នៅព្រឹកថ្ងៃទី០៩
សីហា រូបលោកនឹងសហការីជាច្រើននាក់បានចុះទៅពិនិត្យពីស្ថានភាពរស់នៅរបស់ប្រជាពលរដ្ឋ
ត្រង់ទីទួលសុវត្ថិភាព ឃុំកំពង់ទ្រាស ស្រុកក្រូចឆ្មារ លើទីទំហំជាង១ហិកតា ដល់ទៅជាង៥០០នាក់ ។
បើសិនជាទឹកទន្លេមេគង្គនូវបន្តហក់ឡើងបន្ថែមទៀតជាង២តឹកនោះទីទួលនឹងត្រូវទឹកលិចអស់ហើយ
ពលរដ្ឋកាន់តែមានការលំបាកអាចនឹងចល័តទៅរស់នៅកន្លែងផ្សេង ។ កន្លងទៅនេះកម្លាំងនគរបាលនិងអាវុធហត្ថបានជួយរុះរើផ្ទះពលរដ្ឋចំនួន១៤ខ្នងមកកាន់កន្លែងសុវត្ថិភាពផងដែរ ។
លោកឧត្តមសេនីយ៍ទោ បែន រ័ត្ន ស្នងការនគរបាលខេត្តបន្តថា នៅថ្ងៃទី១០ សីហា កម្លាំងនគរបាលចំនួន១៥០នាក់នឹងចុះទៅដល់ទីនោះ ដើម្បីជួយរៀបចំលើកដាក់អង្កជាង៩០តោន និងសម្ភារផ្សេងៗទៀតជាង១០០តោន ដើម្បីចែកជូនដល់ពលរដ្ឋរងគ្រោះដោយទឹកជំនន់ ពីសំណាក់សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន រហូតដល់ទៅជាង៣.០០០គ្រួសារ ។ សមត្ថកិច្ចនឹងរៀបចំកម្លាំងការពារសន្តិសុខសណ្តាប់ធ្នាប់ជូនថ្នាក់ដឹកនាំព្រមទាំងប្រជាពលរដ្ឋផងដែរ ៕
ចែករំលែកព័តមាននេះ