ខេត្តតាកែវ ៖ ជនសង្ស័យ២នាក់ត្រូវបានប៉ូលិសស្រុកត្រាំកក់ឃាត់ខ្លួនរួមជាមួយវត្ថុតាងជាក់ស្តែង រួចកសាងសំណុំរឿងបញ្ជូនមកកាន់ការិយាល័យប្រឆាំងកាជួញដូរថ្នាំញៀនខេត្តដើម្បីចាត់ការបន្ត ពេលជនសង្ស័យទាំង២នាក់ជិះម៉ូតូ១គ្រឿងចែកចាយគ្រឿងញៀនទៅឱ្យអ្នកប្រើប្រាស់បន្ត។ ហេតុការណ៍ចាប់ឃាត់ខ្លួនជនសង្ស័យនេះបានធ្វើឡើងកាលពីវេលាម៉ោង៨និង៤០នាទីយប់ថ្ងៃទី៨ ខែសីហា ឆ្នាំ២០១៨ ស្ថិតនៅលើផ្លូវលំ ក្នុងភូមិអង្គតាកុប…
ខេត្តតាកែវ ៖ ជនសង្ស័យ២នាក់ត្រូវបានប៉ូលិសស្រុកត្រាំកក់ឃាត់ខ្លួនរួមជាមួយវត្ថុតាងជាក់ស្តែង រួចកសាងសំណុំរឿងបញ្ជូនមកកាន់ការិយាល័យប្រឆាំងកាជួញដូរថ្នាំញៀនខេត្តដើម្បីចាត់ការបន្ត ពេលជនសង្ស័យទាំង២នាក់ជិះម៉ូតូ១គ្រឿងចែកចាយគ្រឿងញៀនទៅឱ្យអ្នកប្រើប្រាស់បន្ត។ ហេតុការណ៍ចាប់ឃាត់ខ្លួនជនសង្ស័យនេះបានធ្វើឡើងកាលពីវេលាម៉ោង៨និង៤០នាទីយប់ថ្ងៃទី៨ ខែសីហា ឆ្នាំ២០១៨ ស្ថិតនៅលើផ្លូវលំ ក្នុងភូមិអង្គតាកុប ឃុំលាយបូរ ស្រុកត្រាំកក់ ខេត្តតាកែវ ។
លោកឌុច ធីយ៉ា អធិការនគរបាលស្រុកត្រាំកក់បានអោយដឹងថា ជនសង្ស័យទាំង២នាក់ខាងលើរួមមាន ម្នាក់ឈ្មោះ អ៊ុ សៀវវ៉ាង ភេទប្រុស អាយុ២៤ឆ្នាំ នៅភូមិថ្នល់បែក សង្កាត់រកាក្រៅ ក្រុងដូនកែវ ខេត្តតាកែវ
និងម្នាក់ទៀតឈ្មោះ ឈូក មិថុនា ភេទប្រុស អាយុ៣៧ឆ្នាំ នៅភូមិ១ សង្កាត់រកាក្នុង ក្រុងដូនកែវ ខេត្តតាកែវ ។
លោកអធិការនគរបាលស្រុកបានបន្តទៀតថា មុនពេលឈានទៅដល់ការឃាត់ខ្លួននេះ ជនសង្ស័យទាំង២នាក់បានជិះម៉ូតូ១គ្រឿងធ្វើសកម្មភាពចែកចាយថ្នាំញៀននៅចំណុចខាងលើ ហើយកម្លាំងល្បាតប្រទះឃើញក៏មានការសង្ស័យ ទើបឃាត់ខ្លួន និងឆែកក្នុងខ្លួនរកឃើញគ្រឿងញៀន១កញ្ចប់ធំ ក៏បានឃាត់ខ្លួនជនសង្ស័យទាំង២នាក់នេះនាំមកអធិការដ្ឋានស្រុកតែម្តង។ ចំពោះវត្ថុតាងដែលសមត្ថកិច្ចដកហូតបានរួមមាន ម្សៅក្រាមពណ៌សថ្លា១កញ្ចប់ធំ និងម៉ូតូ១គ្រឿង ម៉ាកយ៉ាម៉ាហាអុីលីហ្គែន ពណ៌ទឹកប៊ិច គ្មានស្លាកលេខ។
នៅចំពោះមុខសមត្ថកិច្ច ជនសង្ស័យទាំង២នាក់បានសារភាពថា ខ្លួនពិតជាបានធ្វើសកម្មភាពចែកចាយគ្រឿងញៀនពិតប្រាកដមែន ។
លោកនាយការិយាល័យប្រឆាំងការជួញដូគ្រឿងញៀនខេត្តបានឱ្យដឹងថា ជនសង្ស័យនេះជាមុខសញាចាស់ធ្លាប់ជាប់គុក២លើករួចមកហើយពីបទចែកចាយគ្រឿងញៀន ពេលនេះសមត្ថកិច្ចកំពុងកសាងសំណុំរឿងដើម្បីបញ្ជូនជនសង្ស័យទាំង២នាក់រួមជាមួយវត្ថុតាងទៅកាន់សាលាដំបូងខេត្តដើម្បីចាត់ការទៅតាមច្បាប់ ៕
ចែករំលែកព័តមាននេះ