ខេត្តពោធិ៍សាត់ ៖ បុរសម្នាក់បានបើករថយន្ដរេចង្កូតទៅប៉ះរថយន្ដមួយគ្រឿងទៀត ដែលកំពុងធ្វើដំណើរ បញ្ច្រាសទិសគ្នារួចហើយបានជ្រុលចង្កូតទៅបុកផ្ទប់ជាប់នឹងខឿនជើងតាងរូបសំណាកតោក្បាលស្ពាន បណ្ដាលឲ្យរងរបួសយ៉ាងធ្ងន់ធ្ងរ។ គ្រោះថ្នាក់ចរាចរណ៍នេះបានកើតឡើងលើកំណាត់ផ្លូវជាតិលេខ៥ ត្រង់ចំណុចខាងមុខទីបញ្ជាការកងរាជអាវុធហត្ថខេត្ត ស្ថិតក្នុភូមិអូរស្ដៅ សង្កាត់ផ្ទះព្រៃ…
ខេត្តពោធិ៍សាត់ ៖ បុរសម្នាក់បានបើករថយន្ដរេចង្កូតទៅប៉ះរថយន្ដមួយគ្រឿងទៀត ដែលកំពុងធ្វើដំណើរ បញ្ច្រាសទិសគ្នារួចហើយបានជ្រុលចង្កូតទៅបុកផ្ទប់ជាប់នឹងខឿនជើងតាងរូបសំណាកតោក្បាលស្ពាន បណ្ដាលឲ្យរងរបួសយ៉ាងធ្ងន់ធ្ងរ។ គ្រោះថ្នាក់ចរាចរណ៍នេះបានកើតឡើងលើកំណាត់ផ្លូវជាតិលេខ៥ ត្រង់ចំណុចខាងមុខទីបញ្ជាការកងរាជអាវុធហត្ថខេត្ត ស្ថិតក្នុភូមិអូរស្ដៅ សង្កាត់ផ្ទះព្រៃ ក្រុងពោធិ៍សាត់ កាលពីវេលាម៉ោង២០ និង២០នាទីយប់ ថ្ងៃទី០៨ ខែសីហា ឆ្នាំ២០១៨។
សមត្ថកិច្ចឲ្យដឹងថា នៅវេលាយប់ នោះគេឃើញរថយន្ដមួយគ្រឿងពណ៌ស គ្មានស្លាកលេខ ធ្វើដំណើរលើកំណាត់ផ្លូវជាតិលេខ៥ ក្នុងទិសដៅពីលិចទីកើត។ ទៅដល់ចំណុចកើតហេតុមិនដឹងជាយ៉ាងម៉េចស្រាប់តែរេចង្កូតទៅខាងឆ្វេងដៃ តម្រង់រថយន្ដមួយគ្រឿងទៀតដែលកំពុងធ្វើដំណើរមកពីមុខ។ ខណៈនោះរថយន្ដខាងមុខបានងាកក្បាល មកខាងឆ្វេងផុតក៏បុកចំទ្រូងខាងស្ដាំ ហើយជ្រុលទៅបុកខឿនតម្កល់រូបតោក្បាលស្ពានថ្មរួចជាប់ នៅទីនោះតែម្ដង។
អ្នកបើកបរគាបជាប់ក្នុងរថយន្ដរបួសយ៉ាងធ្ងន់ធ្ងរ ចំណែកអ្នកបើររថយន្ដមួយគ្រឿង ទៀតមិនរងរបួសអ្វីទេ ហើយបានគេចខ្លួនបាត់ដោយពុំមានអ្នកណាស្គាល់អត្តសញ្ញាណទេ។ សមត្ថកិច្ចបញ្ជាក់ថា អ្នកបើកបរទំនងជាស្រវឹងស្រា ហើយបើកបរមិនប្រកាន់ស្ដាំទើបបានជាបង្ក គ្រោះថ្នាក់បែបនេះ។ ជនរងគ្រោះបានបញ្ជូនទៅសង្គ្រោះនៅមន្ទីរពេទ្យបង្អែកខេត្តពោធិ៍សាត់ ចំណែករថយន្ដបង្កគ្រោះថ្នាក់ទាំងពីរគ្រឿងសមត្ថកិច្ចបានយកទៅរក្សាទុកនៅអធិការដ្ឋាននគរបាលក្រុងពោធិ៍សាត់ ដើម្បីដោះស្រាយនៅពេលក្រោយ៕
ចែករំលែកព័តមាននេះ