ពិធីប្រគល់ប្រាក់ធានារ៉ាប់រងសង្គម ប្រាក់បូជាសព និងឧបត្ថម្ភ
- បាត់ដំបង
ខេត្តបាត់ដំបង ៖ ថ្ងៃព្រហស្បតិ៍ ១៣រោច ខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៩ ខែសីហា…
ខេត្តបាត់ដំបង ៖ ថ្ងៃព្រហស្បតិ៍ ១៣រោច ខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៩ ខែសីហា…
ខេត្តបាត់ដំបង ៖ ថ្ងៃព្រហស្បតិ៍ ១៣រោច ខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៩ ខែសីហា ឆ្នាំ២០១៨ វេលាម៉ោង៣ និង៣០នាទី លោក ងួន រតនៈ អភិបាល នៃគណៈអភិបាលខេត្ត បាត់ដំបង ប្រធានកិត្តិយស ស.អ.ក ខេត្ត, លោកឧត្តមសេនីយ៍ទោ អ៊ុក ឃ្នួច មេបញ្ជាការរងយោធភូមិ ភាគទី៥ មេបញ្ជាការ តំបន់ប្រតិបត្តិការសឹករងបាត់ដំបង ជាប្រធាន ស.អ.ក ខេត្ត, លោកស្រី និន កន្និដ្ឋា នាយិការងបេឡាជាតិ អតីតយុទ្ធជន, វរសេនីយ៍ទោ កាន ផល្លា មេបញ្ជាការរង កងរាជអាវុធហត្ថខេត្ត សមាជិក គណកម្មាធិការ ស.អ.ក ខេត្ត, លោក លោកស្រី ស្នងការរងនគរបាល ខេត្ត សមាជិក គណកម្មាធិការ ស.អ.ក ខេត្ត, លោក វង់ រដ្ឋា អនុប្រធានមន្ទីរសង្គមកិច្ចខេត្ត, លោក ផេង សិទ្ធី អភិបាល នៃគណៈអភិបាលក្រុង ប្រធានកិត្តិយស ស.អ.ក ក្រុង។
អញ្ជើញជាអធិបតីក្នុងពិធីប្រគល់ប្រាក់ធានា រ៉ាប់រងសង្គម ប្រាក់បូជាសព និងឧបត្ថម្ភមួយលើក ជូនដល់គ្រួសារនិវត្តជន និងជនពិការ អញ្ជើញចូលរួមមាន៖ អស់លោកក្រុមការងារ ស.អ.ក ខេត្ត, លោកប្រធាន អនុប្រធាន ស.អ.ក ក្រុង, លោកប្រធានកិត្តិយសសាខាសង្កាត់អូរចារ, ក្រុមការងារ ស.អ.ក ក្រុង/ស្រុក ក្រុមការងារបេឡាជាតិ អាជ្ញាធរដែនដីសរុបចំនួន ៤៣នាក់។
ក្នុងពិធីនេះបានប្រគល់ថវិកាជូនគ្រួសារសពអតីតយុទ្ធជនចំនួន ២៨សព រួមមាន៖ ជនពិការ ១៦សព, និវត្តជន១២សព ដែលអញ្ជើញមកពី ក្រុងបាត់ដំបង ០៥សព, ស្រុកសង្កែ ០៤សព, ស្រុកថ្មគោល ១សព, ស្រុករតនៈមណ្ឌល ០២សព, ស្រុកបាណន់ ០១សព, ស្រុកឯកភ្នំ ០១សព, ស្រុកសំឡូត ០៣សព, ស្រុកសំពៅលូន ០៣សព, ស្រុកកំរៀង ០២សព, ស្រុកភ្នំព្រឹក ០៤សព, ស្រុករុក្ខគីរី ០១សព, ស្រុកគាស់ក្រឡ ០១សព សរុបជាថវិកាចំនួន ២១១,៩៣៧,០៣១រៀល នៅលំនៅដ្ឋានរបស់សពលោក ឈឺន សំអឿន ស្ថិតនៅភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង។
ក្នុងឱកាសនេះឯកឧត្តម អធិបតីបានសំណេះសំណាល ចូលរួមរំលែកជាមួយគ្រួសារសព ដែលពួកគាត់បានលះបង់អាយុជីវិតដើម្បីការពារជាតិមាតុភូមិ និងបានថ្លែងអំណរគុណដល់គ្រួសារអតីតយុទ្ធជនទាំងអស់ ដែលបានណែនាំបងប្អូនឲ្យទៅបោះឆ្នោត ជូនសម្តេចតេជោ ដើម្បីដឹកនាំប្រទេសជាតិ ឲ្យមានសុខសន្តិភាព និងការអភិវឌ្ឍបន្តទៀត៕
ចែករំលែកព័តមាននេះ