ឃើញឆ្កែអាណិតខំរត់ទៅជួយ តែឡានបោះពួយយ៉ាងលឿន
ចិន ៖ តាមប្រភពព័ត៌មាន Shanghaiist បានឲ្យដឹងថា ស្ត្រីវ័យកណ្តាលម្នាក់ត្រូវបានឡានបុក ខណៈពេលជួយឆ្កែឆ្លងផ្លូវនៅក្នុងក្រុង Wuxi ខេត្ត Jiangsu។…
ចិន ៖ តាមប្រភពព័ត៌មាន Shanghaiist បានឲ្យដឹងថា ស្ត្រីវ័យកណ្តាលម្នាក់ត្រូវបានឡានបុក ខណៈពេលជួយឆ្កែឆ្លងផ្លូវនៅក្នុងក្រុង Wuxi ខេត្ត Jiangsu។…
ចិន ៖ តាមប្រភពព័ត៌មាន Shanghaiist បានឲ្យដឹងថា ស្ត្រីវ័យកណ្តាលម្នាក់ត្រូវបានឡានបុក ខណៈពេលជួយឆ្កែឆ្លងផ្លូវនៅក្នុងក្រុង Wuxi ខេត្ត Jiangsu។
វីដេអូមួយត្រូវគេថតបានហើយបង្ហោះចូលទៅលើអ៊ីនធើណេត ដោយបានបង្ហាញពីសកម្មភាពឆ្កែកំពុងវារឆ្លងផ្លូវទាំងមានរបួស។ ដោយសារតែឡានជាច្រើនបានបើកទៅមកពេក ទើបសត្វឆ្កែមួយក្បាលនោះ សម្រេចចិត្តឈប់នៅស្ងៀមរង់ចាំសេចក្តីស្លាប់។
ហេតុតែចិត្តមិនដាច់ស្ត្រីវ័យកណ្តាលម្នាក់បានដើរឆ្លងផ្លូវទៅជួយលើកឆ្កែនោះចេញពីផ្លូវ ក្នុងគោលបំណងនាំវាចេញទៅកាន់ម្ខាងទៀតនៃផ្លូវ។ គាត់ខំលើកដៃធ្វើជាសញ្ញាដល់រថយន្តផ្សេងៗទៀតដែរ តែរថយន្តដឹកទំនិញមួយគ្រឿងមិនបានឈប់នោះឡើយ ហើយក៏បុកពេញមួយទំហឹងចំជើង បណ្តាលឲ្យរបួសទាំងឆ្កែ ទាំងមនុស្ស។
ប៉ុន្តែជាសំណាងល្អវិញ ដែលទាំងមនុស្ស និងឆ្កែមិនមានគ្រោះថ្នាក់ដល់ជីវិតនោះទេ ហើយចំពោះកម្រិតធ្ងន់ ឬស្រាលនៃរបួស គឺគេមិនបានបញ្ជាក់ឲ្យដឹងច្បាស់នោះទេ។
ពេលនេះ ប៉ូលិសកំពុងតែធ្វើការស៊ើបអង្កេតដើម្បីឲ្យដឹងថា អ្នកណាខុស អ្នកណាត្រូវ។
គេក៏រកឃើញថា អ្នកបើករថយន្តដឹកទំនិញអាចនឹងមើលមិនឃើញស្ត្រីជួយឆ្កែ ដោយ សារតែបានអង្គុយចុះអោនយកឆ្កែ ផុតពីគំហើញរបស់តៃកុងឡាន៕
ចែករំលែកព័តមាននេះ