ប្រទេសថៃ ៖ អាជ្ញាធរថៃបានរាយការណ៍នាថ្ងៃទី៨ សីហាថា ថៃបានផ្ដល់សញ្ជាតិដល់កុមារនៃក្រុមបាល់ទាត់ជ្រូកព្រៃ៣នាក់ និងគ្រូបង្វឹកពួកគេ ដែលគ្មានសញ្ជាតិក្រោយពួកគេត្រូវបានជួយសង្ក្រោះចេញពីរូងភ្នំទឹកជន់លិច ជាមួយសមាជិកក្រុម៩នាក់ទៀតមក។
លោកសោម សាក់ខាណាខាម អ្នកទទួលខុសត្រូវស្រុក MAE SAI ក្នុងពិធីប្រគល់ឯកសារផ្ដល់អត្តសញ្ញាណគូសបញ្ជាក់ថា ពេលនេះអ្នកទាំង៤នាក់ទទួលបានសញ្ជាតិថៃហើយ។
មានអាយុពី១១ទៅ១៦ឆ្នាំសមាជិកក្រុមបាល់ទាត់ជ្រូកព្រៃ និងគ្រូបង្វឹកពួកគេ ជាប់ក្នុងរូងភ្នំទឹកលិចចាប់ពីថ្ងៃទី២៣ មិថុនា ហើយខ្លះរហូតដល់ថ្ងៃទី១០ កក្កដាទើបនាំចេញពីរូងភ្នំថាមលួងបាន ខណៈប្រតិបត្តិការជួយសង្ក្រោះពួកគេប្រព្រឹត្តទៅក្រោមការតាមដាន ពីសំណាក់សារព័ត៌មានទូទាំងពិភពលោក។
សមាជិកក្រុមជ្រូកព្រៃ៣នាក់ និងគ្រូបង្វឹកអាយុ២៥ឆ្នាំជាអ្នកដែលគ្មានសញ្ជាតិ ដូចមនុស្ស៤៨០.០០០នាក់ឯទៀតដែលរស់នៅប្រទេសថៃ។ តាមអង្គការសហប្រជាជាតិថា ពួកអ្នកទាំងនោះភាគច្រើនមានប្រភពពីកុលសម្ព័ន្ធ ដែលរស់នៅក្រៅព្រំដែនថៃ ដូចជាមីយ៉ាន់ម៉ា ឡាវ និងចិន ចាប់តាំងពីច្រើនសតវត្សមកហើយ។ បញ្ហានោះចាប់តាំងពីយូរមកហើយគេមិននិយាយ តែទើបលាតត្រដាងថា សមាជិក៤នាក់នៃក្រុមបាល់ទាត់ជ្រូកព្រៃជាប់ក្នុងរូងភ្នំ ស្ថិតក្នុងក្រុមមនុស្សគ្មានសញ្ជាតិ។ ហើយរដ្ឋាភិបាលថៃពេលនេះជម្រុញដំណើរការសុំចូលសញ្ជាតិ៕
ចែករំលែកព័តមាននេះ