ឱដីក្រចេះអើយ… លិចអស់ហើយ លិចគ្រប់កន្លែង
- ក្រចេះ
ខេត្តក្រចេះ ៖ ក្រៅពីការជន់លិចបង្កឱ្យប៉ះពាល់ភូមិឋាន ផ្លូវលំ ផ្លូវថ្នល់ សាលារៀន វត្ត អារាម និងលិចលង់ផលដំណាំកិសកម្ម ក្នុងនោះក៏មានបណ្តារមនីយដ្ឋានមួយចំនួនទៀត…
ខេត្តក្រចេះ ៖ ក្រៅពីការជន់លិចបង្កឱ្យប៉ះពាល់ភូមិឋាន ផ្លូវលំ ផ្លូវថ្នល់ សាលារៀន វត្ត អារាម និងលិចលង់ផលដំណាំកិសកម្ម ក្នុងនោះក៏មានបណ្តារមនីយដ្ឋានមួយចំនួនទៀត ដូចជាតំបន់អេកូទេសចរណ៍ធម្មជាតិ តំបន់ទេចរណ៍ប្រវត្តិសាស្ត្រជាច្រើនក្នុងខេត្តក្រចេះ ក៏ត្រូវរងនូវការប៉ះពាល់ពីទឹកជំនន់ផងដែរ ។
រមនីយដ្ឋានសំខាន់ៗ ដែលមានឈ្មោះល្បីល្បាញ ហើយមានទីតាំងនៅប្រ៉បនឹងដងទន្លេមេគង្គ កំពុងតែជួបប្រទះការជន់លិចនេះ មានដូចជាតំបន់រមនីយដ្ឋានអន្លង់ផ្សោត ត្រូវបានជន់លិចបាត់បង់សោភ័ណភាព និងលិចទីកន្លែង សម្រាប់ភ្ញៀវអង្គុយមើលផ្សោត ។ រមនីយដ្ឋានទឹក ជួរទន្លេមេគង្គកាំពី ក៏ជន់លិចរោងក្យូសផ្ទះ ទឹក ដែលសង់នៅប្របមាត់ទឹក បាត់បង់សោភ័ណភាព ទេសចរណ៍ធម្មជាតិទាំងស្រុង ដោយអ្នកលក់នំចំណីម្ហូបអាហារបានសម្រេចឈប់លក់ដូរជាបណ្តោះអាសន្ន ។ ចំណែកនៅរមនីយដ្ឋានវប្បធម៌ប្រវត្តិសាស្ត្រព្រះវិហារធំសសរ១០០ ក៏ត្រូវទឹកជំនន់បានជន់លិចផ្លូវថ្នល់កាត់ផ្តាច់ការធ្វើដំណើរទៅមកបាន ។
ពលរដ្ឋដែលរស់នៅលក់ដូរតាមផ្លូវទៅកាន់រមនីយដ្ឋានទាំងនេះបាននិយាយថា ជារៀងរាល់ឆ្នាំនារដូវវស្សា ស្ថានភាពភ្ញៀវត្រូវស្ងប់ស្ងាត់ទាំងភ្ញៀវខ្មែរ និងភ្ញៀវបរទេស ។ ដោយសារតែតំបន់រមនីយដ្ឋានទាំងនោះត្រូវលិចលង់ និងបាត់បង់សោភ័ណភាព គឺមើលឃើញតែផ្ទៃទឹក ទន្លេ ដែលមានសភាពល្អក់ខ្មួលដ៍ធំឡ្វឹងល្វើយ។ជាមួយនិងការជន់លិចនេះ បានធ្វើឲ្យសហគមន៍ទេសចរណ៍ព្រួយបារម្ភពីការបាត់ចំ ណូលរយៈពេលយូរក្នុងរដូវវស្សាឆ្នាំនេះ ក៏ព្រោះតែស្ថានភាពទឹកជំនន់ឆ្នាំនេះបានជន់ឡើងខ្លាំងតាំងពីដើមឆ្នាំនិងមានរយៈពេលយូរជាឆ្នាំរាល់ដង។
ជុំវិញស្ថានភាពការលិចលង់នេះ បានធ្វើឲ្យប្រជាសហគមន៍ទេសចរណ៍មានដូចជា ក្រុមសហគមន៍ទូកចម្លង និងសគមន៍លក់ឈើចម្លាក់នៅក្នុងតំបន់ទេសចរណ៍អន្លង់ផ្សោត ក៏ដូចជាសហគមន៍លក់ម្ហូបអារហារនៅ
រមនីយដ្ឋានទឹកជួរទន្លេមេគង្គកាំពី មានការព្រួយបារម្ភពីបាត់ចំណូលប្រចាំថ្ងៃ ដោយសារការលិចលង់យូរពេក។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ