រាជធានីភ្នំពេញ ៖ បុរសម្នាក់រួម និងស្ត្រីម្នាក់បើករថយន្តមួយគ្រឿងក្នុងល្បឿនយ៉ាងលឿនហើយស្រវឹងស្រារេចង្កូតបុកក្បាលនាគពុះចែកផ្លូវទ្រូងផ្លូវបណ្តាលអោយខូចខាតរថយន្តស្ទើរទាំងស្រុង និងបាក់ក្បាលនាគពុះចែកផ្លូវអស់២កង់ ហេតុការណ៍នេះបានកើតឡើងកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី៩ ខែសីហា ឆ្នាំ២០១៨ តាមបណ្តោយផ្លូវជាតិលេខ៥ នៅចំណុចមុខភោជនីដ្ឋានម៉ូឌេន៥…
រាជធានីភ្នំពេញ ៖ បុរសម្នាក់រួម និងស្ត្រីម្នាក់បើករថយន្តមួយគ្រឿងក្នុងល្បឿនយ៉ាងលឿនហើយស្រវឹងស្រារេចង្កូតបុកក្បាលនាគពុះចែកផ្លូវទ្រូងផ្លូវបណ្តាលអោយខូចខាតរថយន្តស្ទើរទាំងស្រុង និងបាក់ក្បាលនាគពុះចែកផ្លូវអស់២កង់ ហេតុការណ៍នេះបានកើតឡើងកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី៩ ខែសីហា ឆ្នាំ២០១៨ តាមបណ្តោយផ្លូវជាតិលេខ៥ នៅចំណុចមុខភោជនីដ្ឋានម៉ូឌេន៥ ស្ថិតនៅក្នុងសង្កាត់ឬស្សីកែវ ខណ្ឌឬស្សីកែវ ។
សាក្សីដែលបានឃើញហេតុការណ៍បានអោយដឹងថា មុនពេលកើតហេតុគេបានឃើញបុរសម្នាក់រួម និងស្ត្រីម្នាក់បើករថយន្តបង្កមួយគ្រឿងម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2V-3577 បើកបរតាមបណ្តោយផ្លូវជាតិលេខ៥ ក្នុងទិសដៅពីជើងទៅត្បូងបើកក្នុងល្បឿនយ៉ាងលឿនមិនដឹងថា ប្រញាប់ទៅណានោះទេបានជាបើកដូចហោះរេចង្កូតជ្រុលទៅបុកក្បាលនាគពុះចែកទ្រូងផ្លូវបណ្តាលអោយបាក់អស់២កង់ ចំណែកឯរថយន្តបង្កខ្ទេចអស់មួយជំហៀងខាងស្តាំ និងដាច់កាឡេកង់មុខខាងស្តាំទៅមុខលែងរួចហើយថែមទាំងផ្ទុះពោងទាំងសងខាង សំណាងល្អហើយដែលមិនមានគ្រោះថ្នាក់ទៅដល់អ្នកធ្វើដំណើរតាមផ្លូវនោះ គ្រាន់តែខូចខាតសម្ភារខ្លួនឯងនឹងព្រទ្យសម្បត្តិរបស់រដ្ឋតែប៉ុណ្ណោះ ។
ក្រោយពេលកើតហេតុរថយន្តបង្កត្រូវបានសមត្ថកិច្ចធ្វើការវាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ