ខេត្តកំពង់ធំ ៖ ពីរនាក់ប្តីប្រពន្ធចាញ់បោកអាជើងល្អអស់ខ្សែក ស្រែកយំផ្អើលភូមិ ដែលករណីឆរបោកយកមាសបួនជីដូរនឹងរូបចម្លាក់លោហធាតុ ខាងលើនេះបានបង្កឲ្យមានការភ្ញាក់ផ្អើលមួយ កាលពីវេលាម៉ោង១១និង០០នាទីព្រឹកថ្ងៃទី០៨ ខែសីហា ឆ្នាំ២០១៨ នៅចំណុចភោជនីយដ្ឋានមួយកន្លែង…
ខេត្តកំពង់ធំ ៖ ពីរនាក់ប្តីប្រពន្ធចាញ់បោកអាជើងល្អអស់ខ្សែក ស្រែកយំផ្អើលភូមិ ដែលករណីឆរបោកយកមាសបួនជីដូរនឹងរូបចម្លាក់លោហធាតុ ខាងលើនេះបានបង្កឲ្យមានការភ្ញាក់ផ្អើលមួយ កាលពីវេលាម៉ោង១១និង០០នាទីព្រឹកថ្ងៃទី០៨ ខែសីហា ឆ្នាំ២០១៨ នៅចំណុចភោជនីយដ្ឋានមួយកន្លែង នៅផ្លូវវាងទីរួមស្រុកស្ទោង ស្ថិតក្នុងភូមិសាមក្អោក ឃុំទ្រា ស្រុកស្ទោង ខេត្តកំពង់ធំ ។
លោកវរសេនីយ៍ត្រី វ៉ន សុភ័ណ អធិការរងនគរបាលស្រុកស្ទោងទទួលខាងព្រហ្មទណ្ឌបានឲ្យ កោះសន្តិភាពដឹងនៅព្រឹកថ្ងៃទី០៩ ខែសីហា ឆ្នាំ២០១៨ នេះថា ករណីឆបោកខាងលើនេះ បើយោងតាមចម្លើយរបស់ជនរងគ្រោះពីរនាក់ប្ដីប្រពន្ធ ប្តីឈ្មោះ បៀន ភី ភេទប្រុស អាយុ៤៦ឆ្នាំ មានទីលំនៅភូមិស្ពានគ្រង ឃុំចំណាក្រោម ស្រុកស្ទោង និងមានប្រពន្ធឈ្មោះ រឿន ភី មុខរបរកសិករ បានឲ្យដឹងថា មុនពេលកើតហេតុកាលពីថ្ងៃទី០៥ ខែសីហា ឆ្នាំ២០១៨ មានជនសង្ស័យចំនួនពីរនាក់ បានជិះរថយន្ត ពណ៌ស្លែ មិនចំណាំស្លាកលេខ គេប្រាប់ថា គេឈ្មោះ លី គឹមហេង ភេទប្រុស (មិនស្គាល់ទីលំនៅ) និងម្នាក់ទៀតមិនស្គាល់អត្តសញ្ញាណនោះទេបានជិះរថយន្តចូលទៅក្នុងភូមិ ហើយក៏បានជួបជនរងគ្រោះទាំងពីរនាក់ប្តីប្រពន្ធបានសួររកទិញដី និងរកទិញវត្ថុបុរាណរួមមានដូចជា តុំកំបោរ និងវត្ថុផ្សេងៗទៀត ។
បន្ទាប់ពីជជែកគ្នាយ៉ាងស៊ីជម្រៅរួចមកភាគីទាំងពីរក៏បែកគ្នាទៅលុះដល់ព្រឹកថ្ងៃទី០៨ ខែសីហានេះ ជនសង្ស័យក៏បានប្រើល្បិចទូរស័ព្ទទៅជនរងគ្រោះដោយប្រាប់ថា មានគេចង់លក់វត្ថុបុរាណរូបព្រះ ថា មានលោករកទិញឲ្យតម្លៃមួយម៉ឺនដុល្លារ ហើយបានហៅជនរងគ្រោះទាំងពីរនាក់ប្តីប្រពន្ធមកជួបនៅមុខស្ថានីយប្រេងមួយកន្លែង ស្ថិតក្នុងភូមិកំពង់ក្ដី ឃុំកំពង់ចិនត្បូង រួចក៏បបួលគ្នាទៅកន្លែងកើតហេតុខាងលើ ដើម្បីទៅមើលព្រះនោះ ដោយជនសង្ស័យម្នាក់ដើរតួរជាអ្នកលក់រូបព្រះក្នុងតម្លៃ១០០០០ដុល្លារ (មួយម៉ឺនដុល្លារ) ។
ចំណែកគ្នាម្នាក់ទៀតធ្វើជាធ្នាក់ធ្វើជាបបួលជនរងគ្រោះទិញចូលហ៊ុនគ្នា ដោយគេដោះខ្សែក និងចិញ្ចៀនឲ្យទៅអ្នកលក់រូបព្រះ ហើយនិយាយថា នៅខ្វះលុយមួយចំនួនទៀត ហើយក៏ប្រាប់ជនរងគ្រោះជាប្តីថា យើងមិនគ្រប់លុយឲ្យគេទេ បងឯងមានលុយទេ ? ចេញខ្លះមក ហើយយករូបព្រះនេះទៅទុកចុះ ចាំយើងលក់បានចំណេញចែកគ្នាចាយ ឮដូច្នោះជនរងគ្រោះជាប្តីក៏បានដោះខ្សែកមាសទម្ងន់បួនជីឲ្យទៅជនសង្ស័យទៀត នៅពេលបានមាសហើយ ជនសង្ស័យក៏បានប្រើល្បិចគេចខ្លួនបាត់អស់ទៅ ។
ក្រោយមកជនរងគ្រោះដឹងថា ចាញ់បោកគេក៏ស្រែកទ្រហ៊ោយំផ្អើលអ្នកភូមិដឹងដល់ប៉ុស្តិ៍ទើបខាងប៉ុស្តិ៍ហៅមកសួនាំពីបញ្ហានេះ ដើម្បីស្រាវជ្រាវចាប់ខ្លួនជនសង្ស័យយកមកផ្តន្ទាទោសចំពោះមុខច្បាប់ ៕
ចែករំលែកព័តមាននេះ