សារព័ត៌មានពីក្រុងញូវដេលី ប្រទេសឥណ្ឌា កាលពីថ្ងៃទី២ សីហា ២០១៨ បានផ្សាយថា ប៉ូលិសឥណ្ឌាបង្ហើបឲ្យដឹងថា មានហេតុការណ៍ប្លន់នៅក្នុងរហាងមួយ កាលពីព្រឹកថ្ងៃទី២៧ ខែកក្កដា…
សារព័ត៌មានពីក្រុងញូវដេលី ប្រទេសឥណ្ឌា កាលពីថ្ងៃទី២ សីហា ២០១៨ បានផ្សាយថា ប៉ូលិសឥណ្ឌាបង្ហើបឲ្យដឹងថា មានហេតុការណ៍ប្លន់នៅក្នុងរហាងមួយ កាលពីព្រឹកថ្ងៃទី២៧ ខែកក្កដា ។ ជនល្មើសមានគ្នា៣នាក់បានបន្លំខ្លួនធ្វើជាអតិថិជនទិញទំនិញ ក្រោយមកក៏មានមនុស្សម្នាក់យកកាំភ្លើងភ្ជង់ប្លន់ម្ចាស់ហាងយកសក់ពាក់មានទម្ងន់ប្រហែល២០០គីឡូក្រាម តម្លៃជាង២០.០០០ដុល្លារ រួចគេចខ្លួនបាត់ ។ ការប្លន់នោះធ្វើឲ្យថៅកែជាប់បំណុលគេ ។
លោកចាហានជី ហ៊ូសេន ជាម្ចាស់ហាងបានបង្ហើបឲ្យដឹងថា មនុស្សរមែងគិតថាសក់ពាក់មានតម្លៃថោក ប៉ុន្តែវាអាចរកចំណូលបានខ្ពស់។ ចំណែកទំនិញដែលត្រូវចោរប្លន់នោះ ធ្វើឲ្យគេមានបំណុល ព្រោះកាលពីខែមុន ទើបខ្ចីប្រាក់ពីអ្នកបោះដុំម្នាក់នៅភាគខាងត្បូងប្រទេសឥណ្ឌា ក្នុងទឹកប្រាក់ជាង១៧.០០០ដុល្លារ ។
មុខជំនួញសក់ពាក់នៅឥណ្ឌាជាជំនួញដ៏ធំ ជាមធ្យមក្នុងមួយឆ្នាំអាចរកចំណូលបានជាង៣០០លានដុល្លារ ទាំងសក់ពាក់ និងសក់ត ។ សក់គឺជាផ្នែកមួយបានពីវត្តហិណ្ឌូនៅភាគខាងត្បូងប្រទេសឥណ្ឌា ដោយអ្នកបួសដែលកោរសក់ ៕
ចែករំលែកព័តមាននេះ