ខេត្តបន្ទាយមានជ័យ ៖ ជនសង្ស័យ២នាក់ដែលជួញដូរគ្រឿងញៀន (ខេទឹកកក៥ថង់តូច) ត្រូវបានកម្លាំងកងរាជអាវុធហត្ថបញ្ជូនទៅសាលាដំបូងខេត្ត ចាត់ការតាមច្បាប់នៅថ្ងៃទី០៨ ខែសីហា ឆ្នាំ២០១៨ ។ ជនសង្ស័យដែលត្រូវចាប់ខ្លួនមាន១-…
ខេត្តបន្ទាយមានជ័យ ៖ ជនសង្ស័យ២នាក់ដែលជួញដូរគ្រឿងញៀន (ខេទឹកកក៥ថង់តូច) ត្រូវបានកម្លាំងកងរាជអាវុធហត្ថបញ្ជូនទៅសាលាដំបូងខេត្ត ចាត់ការតាមច្បាប់នៅថ្ងៃទី០៨ ខែសីហា ឆ្នាំ២០១៨ ។
ជនសង្ស័យដែលត្រូវចាប់ខ្លួនមាន១- ឈ្មោះ ខែន វាសនា ភេទប្រុស អាយុ៤៥ឆ្នាំ រស់នៅភូមិប្រជាធម្ម សង្កាត់ផ្សារកណ្តាល ក្រុងប៉ោយប៉ែត ២- ឈ្មោះ សោម វាសនា ភេទប្រុស អាយុ២៥ឆ្នាំ រស់នៅភូមិ-ឃុំទួលពង្រ ស្រុកម៉ាឡៃ ។
លោកវរសេនីយ៍ត្រី តាំង សុហេង មេបញ្ជាការកងរាជអាវុធហត្ថស្រុកម៉ាឡៃបានប្រាប់ថា នៅពេលឃាត់ជនសង្ស័យ គឺកម្លាំងកងរាជអាវុធហត្ថស្រុកម៉ាឡៃបានធ្វើការស្រាវជ្រាវ និងកំណត់មុខសញ្ញា និងចុះប្រតិបត្តិការចាប់ខ្លួនជនសង្ស័យបាន២នាក់ និងដកហូតវត្ថុតាងថ្នាំញៀនប្រភេទមេតំហ្វេតាមីន (ខេទឹកកកចំនួន៥ថង់តូច មានទម្ងន់៣,៣៨ក្រាម) និងម្ស៉ៅពណ៌ស (សាជូ) ទម្ងន់៤៩៦ក្រាម វិទ្យុទាក់ទង២គ្រឿង ដែលឃាត់នៅវេលាម៉ោង០៨ព្រឹក ថ្ងៃទី០៧ ខែសីហា ឆ្នាំ២០១៨ នៅចំណុចភូមិ- ឃុំទួលពង្រស្រុកម៉ាឡៃ ។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យបានបញ្ជាក់ថា នៅពេលដែលកម្លាំងកងរាជអាវុធហត្ថស្រុកម៉ាឡៃឃាត់ខ្លួនជនសង្ស័យ២នាក់ និងវត្ថុតាងថ្នាំញៀនត្រូវបានកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់ ហើយកម្លាំងជំនាញកំពុងស្រាវជ្រាវរកមុខសញ្ញាជួញដូរថ្នាំញៀនបន្តទៀត ដើម្បីចាប់ខ្លួនចាត់ការតាមច្បាប់ ៕
ចែករំលែកព័តមាននេះ