ខេត្តកំពត ៖ កងកម្លាំងអន្តរាគមន៍ឈុតខ្មៅរបស់ស្នងការខេត្តដឹកនាំដោយលោកវរសេនីយ៍ទោ លក ញ៉ាវ នាយការិយាល័យព្រហ្មទណ្ឌកម្រិតស្រាលនៃស្នងការខេត្ត និងមានការសម្រួលនីតិវិធីដោយលោក ជ័យ រិទ្ធី ព្រះរាជអាជ្ញារងអមសាលាដំបូងខេត្តនៅវេលាម៉ោង២និង១០នាទីរសៀល…
ខេត្តកំពត ៖ កងកម្លាំងអន្តរាគមន៍ឈុតខ្មៅរបស់ស្នងការខេត្តដឹកនាំដោយលោកវរសេនីយ៍ទោ លក ញ៉ាវ នាយការិយាល័យព្រហ្មទណ្ឌកម្រិតស្រាលនៃស្នងការខេត្ត និងមានការសម្រួលនីតិវិធីដោយលោក ជ័យ រិទ្ធី ព្រះរាជអាជ្ញារងអមសាលាដំបូងខេត្តនៅវេលាម៉ោង២និង១០នាទីរសៀល ថ្ងៃទី០៨ ខែសីហា ឆ្នាំ២០១៨ នេះបានចុះបង្ក្រាបទីតាំងសម្ងំប្រើប្រាស់ និងជួញដូរគ្រឿងញៀនមួយកន្លែងនៅភូមិកណ្តាលទួល ឃុំកំពង់ត្រាចខាងលិច ស្រុកកំពង់ត្រាច ខេត្តកំពត ។
បើតាមលោកវរសេនីយ៍ទោ លក ញ៉ាវ នាយការិយាល័យព្រហ្មទណ្ឌកម្រិតស្រាលស្នងការខេត្តដែលដឹកនាំកម្លាំងចុះបង្ក្រាបបានឲ្យដឹងថា ក្នុងកិច្ចប្រតិបត្តិការខាងលើកម្លាំងសមត្ថកិច្ចបានឃាត់ខ្លួនជនសង្ស័យបានចំនួន៦នាក់ រឹបអូសវត្ថុតាងថ្នាំញៀនចំនួន១០កញ្ចប់តូច រួមនឹងសម្ភារវេចខ្ចប់មួយចំនួន និងឧបករណ៍សំរាប់សេពមួយចំនួន ។
លោកបានបន្តទៀតថា ជនសង្ស័យទាំង៦នាក់រួមនឹងវត្ថុតាងថ្នាំញៀន និងសម្ភារសមត្ថកិច្ចបានកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី ៕
ចែករំលែកព័តមាននេះ