ខេត្តព្រះសីហនុ ៖ ដើម្បីឆ្លើយតបទៅនឹងការសំណូមពរពីប្រជាពលរដ្ឋ និងភ្ញៀវទេសចរក៏ដូចជា ដើម្បីសោភ័ណ្ឌភាពទីក្រុងទេសចរនាព្រឹកថ្ងៃទី០៨ សីហា ឆ្នាំ២០១៨នេះលោក សន កុសល អភិបាលរងក្រុងព្រះសីហនុបានដឹកនាំក្រុមការងារចំរុះរួមមានមន្ទីរបរិស្ថាន និង មន្ត្រីមន្ទីរសាធារណៈការណ៍អាជ្ញាធមូលដ្ឋានភូមិសង្កាត់បានចុះធ្វើការណែនាំបងប្អូនប្រជាពលរដ្ឋ និងអាជីវករតាមបណ្តោយផ្លូវជាតិលេខ០៤ ចាប់ពីចំណុចរោងចក្រញ៉ូស្តា ចូលមកកាន់ក្រុងព្រះសីហនុ ស្ថិតក្នុងភូមិ០១ សង្កាត់លេខ០១ ក្រុងព្រះសីហនុ០៣ ដោយតម្រូវឲ្យរើសម្ភារទុកនៅលើផ្លូវ បង្កផលប៉ះពាល់ដល់បងប្អូនប្រជាពលរដ្ឋ ជាងនេះទៀត គឺមានការប៉ះដល់បរិស្ថានយ៉ាងធ្ងន់ធ្ងរ ។
លោក សន កុសល អភិបាលរងបានបញ្ចាក់ឲ្យដឹងថា ការចុះឃាត់ធ្វើកំណត់ហេតុទៅលើក្រុមហ៊ុនលំនៅដ្ឋានអាជីវករដែលបង្កផលប៉ះពាល់ផ្លូវសាធារណៈនេះ ។ មិនមែនជាលើកទីមួយនោះទេ គឺអាជ្ញាធរក្រុងតែងតែចុះជាប្រចាំ ប៉ុន្តែក៏នៅមានភាពឆក់ល្វែងខ្លះៗដូចនេះក្នុងនាមលោក អភិបាលរងទទួលបន្ទុកិច្ចការសណ្តាប់ធ្នាប់សាធារណៈនេះ អំពាវនាដល់បងប្អូនប្រជាពលរដ្ឋទាំងអស់សូមមេត្តាជួយសហការណ៍ដោតផ្តល់ជាព័ត៌មានជុំវិញករណីដែលលំនៅដ្ឋានក៏ដូចជា ក្រុមហ៊ុនណាដែលបានធ្វើឲ្យប៉ះពាល់ដល់ផ្លូវសាធារណៈ ដើម្បីរួមគ្នាស្តា និងអភិវឌ្ឍន៍ខេត្តព្រះសីហនុឲ្យមានភាពស្រស់បំព្រង ។
ក្នុងឱកាសនោះផងដែរលោក សន កុសល ក៏បានបញ្ជាក់ផងដែរថា ការចុះណែនាំរបស់រដ្ឋបាលក្រុងព្រះសីហនុនេះមិនមែនធ្វើឡើងតែចំពោះអាជីវករតូចតាចនោះទេ គឺធ្វើឡើងក្នុងលក្ខណៈស្មើភាពគ្នាមិនប្រកាន់មាន ឬ ក្រនោះទេឲ្យតែប៉ះពាល់ដល់ផ្លូវសាធារណៈ បើពុំដូចនោះទេអ្នកដែលខាតបង់មុនគេ គឺបងប្អូនប្រជាពលរដ្ឋនេះហើយព្រោះយើងដឹងហើយថា ខេត្តព្រះសីហនុ គឺជាប៉ូលមួយក្នុងចំណោមប៉ូលសំខាន់ៗទាំង០៣របស់ប្រទេសកម្ពុជាហើយក៏ជាទីក្រុងទេសចរណ៍ដ៏មានសក្តានុពលយ៉ាងខ្លាំងក្នុងតំបន់អាស៊ាន ចុះបើនៅតាមផ្លូវគ្មានសណ្តាប់ធ្នាប់បរិស្ថានមិនល្អ តើភ្ញៀវទេសចរណាហ៊ានមកកម្សាន្តទៀត ដូចនេះបើបាត់បង់ភ្ញៀវទេសចរ បាត់បង់ពាណិជ្ជករ តើការរីកចម្រើនអាចកើតមានដែរ ឬ ទេ? ៕
ចែករំលែកព័តមាននេះ