នៅសុខៗបបួលគ្នាកាច់ដៃ លទ្ធផលម្ខាងដេកពេទ្យ ម្ខាងដេកប៉ុស្តិ៍
- ត្បូងឃ្មុំ
ខេត្តត្បូងឃ្មុំ ៖ បុរសម្នាក់ឈ្មោះ ឃុន ខាន់ អាយុ២៦ឆ្នាំ នៅភូមិរំចេក ឃុំរំចេក ស្រុកមេមត់ ត្រូវបានគូរជម្លោះកាប់ប្រហារដោយដាវត្រូវជាច្រើនកន្លែងលើរាងកាយ…
ខេត្តត្បូងឃ្មុំ ៖ បុរសម្នាក់ឈ្មោះ ឃុន ខាន់ អាយុ២៦ឆ្នាំ នៅភូមិរំចេក ឃុំរំចេក ស្រុកមេមត់ ត្រូវបានគូរជម្លោះកាប់ប្រហារដោយដាវត្រូវជាច្រើនកន្លែងលើរាងកាយ…
ខេត្តត្បូងឃ្មុំ ៖ បុរសម្នាក់ឈ្មោះ ឃុន ខាន់ អាយុ២៦ឆ្នាំ នៅភូមិរំចេក ឃុំរំចេក ស្រុកមេមត់ ត្រូវបានគូរជម្លោះកាប់ប្រហារដោយដាវត្រូវជាច្រើនកន្លែងលើរាងកាយ និងក្បាលបណ្តាលឲ្យរងរបួសធ្ងន់នៅក្នុងវង់ផឹកស៊ីលើផ្ទះរបស់ជនដៃដល់ក្នុងភូមិ-ឃុំជាមួយគ្នា ។ ហេតុការណ៏នេះកើតឡើងនៅវេលាម៉ោង១និង៣០នាទីរសៀល ថ្ងៃទី០៧ ខែសីហា ឆ្នាំ២០១៨ ក្រោយពីកាប់រួចបានព្យាយាមរត់បានប្រមាណ៦០គីឡូម៉ែត្រដល់ទឹកជ្រៅស្រុកតំបែរ ត្រូវបានសមត្ថកិច្ចតាមប្រមាញ់ចាប់ខ្លួនបាន ។
លោកអនុសេនីយ៏ឯក ចាន់ ឌុល អធិការរងនគរបាលស្រុកមេមត់ប្រាប់ថា នៅមុនពេលកើតហេតុមានបុរសចំនួន០៤នាក់នាំគ្នាផឹកស្រា.សនៅលើផ្ទះរបស់បុរសដៃដល់ឈ្មោះ ស៊ឹម វ៉ាត អាយុ៣៤ឆ្នាំ នៅភូមិរំចេក ចាប់ផ្តើមតាំងពីវេលាម៉ោង៧ព្រឹក ថ្ងៃទី០៧ ខែសីហា ឆ្នាំ២០១៨ លុះរហូតដល់វេលាម៉ោង១និង៣០នាទីរសៀល ក៏ស្រាប់តែមានជម្លោះកើតឡើងដោយម្ចាស់ផ្ទះនេះបានដាល់ទៅលើជនរងគ្រោះឈ្មោះ ខាន់ ឡើងបែកចញ្ចើមហូរឈាម និងបានដេញឲ្យត្រឡប់ទៅផ្ទះវិញពេលស្រវឹងរាងៗខ្លួន ។
លោកអធិការរងនគរបាលស្រុកមេមត់ប្រាប់បន្តថា បន្ទាប់មកទៀតក៏ម្ចាស់ផ្ទះបានស្ទុះទៅយកដាវមកកាប់ប្រហារលើអ្នករងគ្រោះត្រូវជាច្រើនដាវបណ្តាលឲ្យរងរបួសធ្ងន់ធ្ងរឈាមហូរស្រោចពេញក្រោមផ្ទះ ។ ជនរងគ្រោះត្រូវបានប្រពន្ធនាំយកទៅសង្គ្រោះនៅមន្ទីរពេទ្យបង្អែកស្រុកឆ្លូង ខេត្តក្រចេះ និងបាននាំបន្តទៅសង្គ្រោះនៅមន្ទីរពេទ្យខេត្តកំពង់ចាម ។
តាមប្រភពពីជនរងគ្រោះឈ្មោះ ឃុន ខាន់ វិញប្រាប់ឲ្យដឹងដែរថា ពេលដែលផឹកស្រានោះបានចាប់ផ្តើមផឹកតាំងពីព្រឹកអស់ស្រា.សប្រហែលជា២លីត្រមានគ្នា៤នាក់ រហូតដល់ស្រវឹងរៀងៗខ្លួន ចុងក្រោយនៅសល់តែ២នាក់គឺ រូបគេ និងបុរសម្ចាស់ផ្ទះដែលជាជនដៃដល់ ។
បន្ទាប់មកម្ចាស់ផ្ទះបានបបួលគាត់កាច់ដៃគ្នា តែមិនបានកាច់នោះទេ លុះពេលដែលអង្គុយសុខៗត្រូវបានបុរសម្ចាស់ផ្ទះយកដាវមកកាប់ប្រហារលើគាត់ត្រូវជាច្រើនដាវបណ្តាលឲ្យរងរបួសធ្ងន់ ហើយអ្នកកាប់នេះត្រូវជាបងប្អូនសាច់ញាតិខាងប្រពន្ធទៀត ។
រីឯបុរសដែលជាជនដៃដល់បានរត់គេចទៅដល់ទឹកជ្រៅស្រុកតំបែរ ដោយទទួលបញ្ជារពីលោកអធិការនគរបាលស្រុកក៏ដូចជាលោកស្នងការនគរបាលខេត្តបានឲ្យកម្លាំងសមត្ថកិច្ចតាមប្រមាញ់រហូតដល់វេលាម៉ោង៦និង៣០នាទីល្ងាចថ្ងៃដដែលត្រូវបានចាប់ខ្លួនបញ្ជូនត្រឡប់ទៅកាន់អធិការដ្ឋាននគរបាលស្រុកមេមត់ ដោយចោទប្រកាន់ពីបទហិង្សាមានស្ថានទង្ងន់ ។
នៅរសៀលថ្ងៃទី០៨ ខែសីហា ឆ្នាំ២០១៨ នេះជនដៃដល់ត្រូវបានបញ្ជូនទៅឲ្យតំណាងអយ្យការ
អមសាលាដំបូងខេត្តដើម្បីចាត់វិធានការតាមច្បាប់ ៕
ចែករំលែកព័តមាននេះ