រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នៅមុននេះបន្តិចកាលពីវេលាម៉ោង២រសៀលថ្ងៃទី០៨ ខែសីហា ឆ្នាំ២០១៨ នេះក្រុមមន្ត្រីគយ និងរដ្ឋាករ បានសហការជាមួយកម្លាំងកងរាជអាវុធហត្ថ (PM) បើកប្រតិបត្តិការណ៍ចុះឆែកឆេរឃ្លាំងស្តុកប្រេងមួយកន្លែងរបស់ក្រុមហ៊ុនមួយដែលស្ថិតនៅភូមិរោងចក្រ សង្កាត់គោកឃ្លាំង ខណ្ឌសែនសុខ ។
តាមប្រភពពីភ្នាក់ងារសារព័ត៌មាន កោះសន្តិភាព នៅកន្លែងកើតហេតុបានឱ្យដឹងថា ទីតាំងឃ្លាំងស្តុកប្រេងខាងលើក្រុមមន្ត្រីគយ និងរដ្ឋាករ រួមជាមួយកម្លាំងកងរាជអាវុធហត្ថកំពុងធ្វើការឆែកឆេរ តែមិនទាន់មានការបញ្ជាក់ណាមួយជុំវិញការចុះប្រតិបត្តិការណ៍នេះថា ពាក់ព័ន្ធទៅនឹងបទល្មើសអ្វីនៅឡើយទេ ដោយសារតែក្រុមអ្នកកាសែតសមត្ថកិច្ចមិនអនុញ្ញាតិឱ្យចូលកន្លែងកើតហេតុនោះឡើយ ។ ព័ត៌មានលម្អិតនឹងផ្សាយជូននៅពេលក្រោយ ៕
ចែករំលែកព័តមាននេះ