ព្រោះតែ២៥០០០រៀលជិះពីរង្វង់មូលផ្សារដើមថ្កូវដល់មុខពេទ្យរុស្ស៊ីកា.ប់ប្រាវ
- ភ្នំពេញ
រាជធានីភ្នំពេញ ៖ បុរស២នាក់ចោទប្រកាន់បុរស២នាក់ទៀតដែលត្រូវជាមិត្តភក្តិរបស់ខ្លួនថាបានបន្លំលួចលុយរបស់ខ្លួនអស់ចំនួន២៥០០០រៀល ខឹងចិត្តបានទាញរណារ២ដើម ជិះកង់ឌុបគ្នាពីផ្សារដើមថ្កូវទៅកាប់ជនរងគ្រោះនៅមុខរបងពេទ្យរុស្ស៊ី ដែលហេតុការណ៍នេះបង្កឱ្យការភ្ញាក់ផ្អើលបានកើតឡើងកាលពីម៉ោង២និង៣០នាទីឈានចូលថ្ងៃទី៨ សីហា នៅមុខរបងពេទ្យរុស្ស៊ី ចំហៀងខាងជើង ស្ថិតនៅសង្កាត់ទំនប់ទឹក…
ជនសង្ស័យទាំង២នាក់ខាងលើ ម្នាក់ឈ្មោះសុខ ជា ភេទប្រុស អាយុ៣៣ឆ្នាំ មុខរបររើសអេតចាយ និង
ប្រភពព័ត៌មានពីជនសង្ស័យបានប្រាប់ឱ្យដឹងថា មុនឈានដល់មានរឿងរ៉ាវកាប់គ្នានេះ គឺគាត់បានបាត់លុយអស់ចំនួន២៥០០០រៀល ហើយពួកគាត់បានចោទប្រកាន់ទៅលើជនរងគ្រោះទាំង២នាក់នោះថាជាអ្នកលួចលុយខ្លួន ព្រោះកាលពីល្ងាច ពួកគាត់បានជួបគ្នានិងនៅជាមួយគ្នា លុះដល់បាត់ជនរងគ្រោះទាំង២នាក់នោះ ស្រាប់តែបាត់លុយខ្លួនអស់២៥០០០រៀលដែរ ក៏កើតចិត្តខឹងថាជាសម្លាញ់នឹងគ្នាសោះហ៊ានលួចគ្នា ហើយក៏បបួលមិត្តភក្តិម្នាក់ទៀតជិះកង់ឌុបគ្នាតាំងពីរង្វង់មូលផ្សារដើមថ្កូវ ប្រដាប់ដោយរណារ២ដើមដើម្បីយកទៅកាប់ជនរងគ្រោះដល់មុខពេទ្យរុស្ស៊ីតែម្តង។
ចំណែកចម្លើយសារភាពរបស់ជនរងគ្រោះវិញបានប្រាប់ និងប្រកែកថា លុយដែលជនសង្ស័យខាងលើបាត់នោះ ពួកខ្លួនមិនបានលួចទេ ហើយពួកខ្លួនមិនដឹងថា ជនជនសង្ស័យមានលុយមែន ឬក៏ចេះតែចោទប្រកាន់ពួកខ្លួននោះទេ ។
ប្រភពព័ត៌មានបានឱ្យដឹងថា នៅមុនពេលកើតហេតុ ជនរងគ្រោះទាំង២នាក់នោះបានចងមុងដេកនៅមុខរបងពេទ្យរុស្ស៊ី ស្រាប់តែជនសង្ស័យបានមកដល់យករណារកាប់មកលើពួកគាត់ពីលើមុង បណ្តាលឱ្យចំជនរងគ្រាះឈ្មោះឆាយ រតនា ត្រូវដៃ និងជើងរងរបួសស្រាល ភ្លាមៗនោះពួកគាត់បានស្រវ៉េស្រវ៉ាយកភួយ និងមុងមករុំដៃដែលរងរបួសនឹងផ្លែរណាររបស់ជនសង្ស័យ ពេលនោះស្រាប់តែកម្លាំងសមត្ថកិច្ចប៉ុស្តិ៍ទំនប់ទឹកល្បាតក្នុងមូលដ្ឋានប្រទះឃើញ ក៏ជួយអន្តរាគមន៍ និងឃាត់ខ្លួនជនសង្ស័យបានភ្លាមៗយកទៅសួរនាំ នៅប៉ុស្តិ៍នគរបាលរដ្ឋបាលទំនប់ទឹកតែម្តង។
ក្រោយកើតហេតុ ជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាល ហើយជនសង្ស័យត្រូវបានកម្លាំងសមត្ថកិច្ចឃាត់ខ្លួនរួមនឹងវត្ថុតាងរណារ២ដើម និងកង់ជាមធ្យោបាយធ្វើដំណើរមួយគ្រឿងយកមកប៉ុស្តិ៍នគរបាល ដើម្បីកសាងសំណុំរឿងចាត់ការតាមនីតិវីធី ៕
ចែករំលែកព័តមាននេះ