រាជធានីភ្នំពេញ ៖ យុវជន២នាក់បើករថយន្តមួយគ្រឿងបើករវល់តែជជែកគ្នាបានកៀរផ្លូវបេតុងបានផ្លាតធ្លាក់ប្រឡាយទឹកស្អុយរងការខូចខាតធ្ងន់ធ្ងរ តែមិនមានរងរបួសដល់អ្នកបើកបរឡើយ បង្កឲ្យមានការភ្ញាក់ផ្អើលកាលពីវេលាម៉ោង១០និង៣០នាទីយប់ថ្ងៃទី០៧ ខែសីហា ឆ្នាំ២០១៨ តាមបណ្ដោយផ្លូវជាតិលេខ៤ ទល់មុខបញ្ជាការដ្ឋានកងទ័ពជើងគោក និងទល់មុខ សាលាក្តីខ្មែរក្រហមដែលស្ថិតនៅភូមិត្រពាំងទួលសង្កាត់កំបូល ខណ្ឌពោធិ៍សែនជ័យ ។
តាមប្រភពព័ត៌មានពីជនរងគ្រោះបាននិយាយថា នៅមុនពេលកើតហេតុពួកគាត់បានបើករថយន្ត ពណ៌ទឹកប្រាក់ ពាក់ស្លាកលេខ ភ្នំពេញ 2AQ-9709 ជិះគ្នា២នាក់ក្នុងទិសដៅពីលិចទៅកើត ក្នុងល្បឿនមធ្យម លុះបើកមកដល់ចំណុចកើតហេតុមានការដ្ឋានមួយដែលកំពុងសាងសង់ថ្មី តែពុំមានដាក់ចំនាំងផ្លាតឡើយ ហើយរថយន្តរបស់គាត់បានបើកលើបេតុងថ្មីមិនទាន់ស្មើគ្នាគួបផ្សំនឹងមានភ្លៀងរលឹមស្រិចៗផងនោះក៏បានផ្លាតទៅផ្នែកខាងឆ្វេងធ្វើឲ្យរអិលធ្លាក់ចូលក្នុងប្រឡាយទឹកស្អុយលិចពាក់កណ្ដាលរថយន្ត តែមិនបង្កឲ្យមានរងរបួសនោះឡើយ សូម្បីខ្លួនប្រាណរបស់ពួកគាត់ពុំមានទទឹកខ្លួនដែរ ព្រោះនៅពេលភ្លាមៗពួកគាត់បានឡើងលើតាមកញ្ចក់រថយន្ត ។
ដោយឡែកប្រជាពលរដ្ឋម្នាក់បានបញ្ជាក់ប្រាប់ថា រថយន្ដខាងលើបើកល្បឿនលឿនណាស់ ទើបធ្លាក់ប្រឡាយទឹកស្អុយបែបនេះ ។
ក្រោយពេលកើតហេតុម្ចាស់រថយន្តខាងលើបានហៅរថយន្តស្ទូច ដើម្បីស្ទូចចេញពីកន្លែងកើតហេតុ និងយកទៅដាក់ការាស់ ដើម្បីជួសជុលខ្លួនឯង ៕
ចែករំលែកព័តមាននេះ