ឪពុកម្តាយហ្នឹងហើយជាគំរូកូន
កាលបើក្នុងសង្គមសម្បូរទៅដោយអំពើទុរយសដូចជា បងតូច បងធំ ផឹកស៊ី ស្រីញី អូនបង ថ្នាំញៀន រាំច្រៀងជាដើម នឹងអាចធ្វើឲ្យកូនបែរងាកទៅតាមសង្គមអូសទាញផងដែរ។ ព្រោះហេតុនោះ…
កាលបើក្នុងសង្គមសម្បូរទៅដោយអំពើទុរយសដូចជា បងតូច បងធំ ផឹកស៊ី ស្រីញី អូនបង ថ្នាំញៀន រាំច្រៀងជាដើម នឹងអាចធ្វើឲ្យកូនបែរងាកទៅតាមសង្គមអូសទាញផងដែរ។ ព្រោះហេតុនោះ ឪពុកម្តាយត្រូវប្រុងប្រយ័ត្នជានិច្ច កុំឲ្យកូនសេពគប់បុគ្គលដែលមានចរិតមិនល្អ នឹងអាចនាំកូនទៅរកផ្លូវងងឹត ដោយត្រូវព្យាយាមហាមឃាត់កូនមិនឲ្យដើរជាមួយបុគ្គលប្រភេទនេះជាដាច់ខាត ។
បច្ចុប្បន្នជាសម័យទំនើបណាស់ឬថាជាសម័យវិទ្យាសាស្ត្រ សម័យកុំព្យូទ័រធ្វើឱ្យមនុស្សមាន រាគៈ ទោសៈ មោហៈច្រើន ឃើញគុណជាទោស ឃើញទោសជាគុណត្រឡប់ត្រឡិនអស់។ ឥទ្ធិពលខាងក្រៅនឹងនាំឲ្យខូចបាន ដូចព្រះរាជកុមារអជាសត្តុ គ្រាដំបូងមនុស្សនេះមិនទាន់ដល់ថ្នាក់ឃោរឃៅយង់ឃ្នងអ៊ីចឹងទេ តែដោយសារការសេពគប់នឹងភិក្ខុពាលទេវទត្ត ក៏ហ៊ានធ្វើឃាតព្រះបិតាដែលជាស្តេចប្រកបដោយធម៌បាន។ ដូច្នេះឥទ្ធិពលខាងក្រៅនេះត្រូវប្រុងប្រយ័ត្នឲ្យមែនទែន មិនត្រូវធ្វើលំៗ សើៗនោះទេ ។
ចំពោះរឿងនេះឪពុកម្តាយជាឥទ្ធិពលទី១របស់កូន ព្រោះការអាស្រ័យគ្នារាល់ថ្ងៃ កាលបើឪពុកម្តាយប្រព្រឹត្តធ្វើឲ្យមានកំហុស ក៏ធ្វើឲ្យកូនយកធ្វើជាគំរូមានចិត្តលិចចុះក្នុងហេតុមិនប្រក្រតីដូចជា ឈឺចាប់ក្នុងចិត្ត មានការខ្មាសអៀនអ្នកជិតខាង កិត្តិយសគ្រួសារត្រូវសាបសូន្យ ព្រោះទង្វើមិនល្អរបស់ឪពុកម្តាយ រហូតដល់កូនទៅប្រព្រឹត្តអំពើមិនគប្បីបាន ។ ដូច្នេះឪពុកម្តាយហ្នឹងហើយជាគ្រូដំបូងរបស់កូន ត្រូវធ្វើទង្វើណាដែលល្អសម្រាប់កូនយកជាគំរូ។
សាលារៀនក៏ជាឥទ្ធិពលដ៏មានកម្លាំងមួយដែរ ព្រោះកាលបើកូនទៅសាលាជួបជាមួយមិត្តភក្តិមិនល្អ ក៏នាំឲ្យខូចបាន ឃើញកូនទៅបាត់ៗ បើមិនប្រយ័ត្នទេ កូននោះនឹងទៅដើរលេងមិនចូលសាលាក៏មាន។ សម័យឥឡូវនេះ មនុស្សយើងមានឡេះច្រើនណាស់ត្រូវប្រយ័ត្នបន្តិចទើបបាន។
ចែករំលែកព័តមាននេះ