រាជធានីភ្នំពេញ ៖ បុរសមានសតិមិនប្រក្រតីម្នាក់ ពេលមេឃកំពុងតែភ្លៀងធ្វើឲ្យរងារពេកបានលួចឡើងលើផ្ទះគេ ប្រជាពលរដ្ឋស្មានថាជាចោរ ចាប់បានវាយបែកក្បាលប្រគល់ឱ្យសមត្ថកិច្ច ទើបដឹងថាជាមនុស្សមានសតិមិនប្រក្រតី ហើយសមត្ថកិច្ចបានឱ្យបុរសនោះត្រឡប់ទៅវិញភ្លាមៗផងដែរ ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលម៉ោង៧និង៣០នាទីយប់ថ្ងៃទី៧…
រាជធានីភ្នំពេញ ៖ បុរសមានសតិមិនប្រក្រតីម្នាក់ ពេលមេឃកំពុងតែភ្លៀងធ្វើឲ្យរងារពេកបានលួចឡើងលើផ្ទះគេ ប្រជាពលរដ្ឋស្មានថាជាចោរ ចាប់បានវាយបែកក្បាលប្រគល់ឱ្យសមត្ថកិច្ច ទើបដឹងថាជាមនុស្សមានសតិមិនប្រក្រតី ហើយសមត្ថកិច្ចបានឱ្យបុរសនោះត្រឡប់ទៅវិញភ្លាមៗផងដែរ ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលម៉ោង៧និង៣០នាទីយប់ថ្ងៃទី៧ ខែសីហា ឆ្នាំ២០១៨ នៅផ្ទះល្វែងមួយកន្លែង ជាប់ផ្ទះលោកមេភូមិតាងួន២ ដែលស្ថិតនៅភូមិតាងួន២ សង្កាត់កាកាប២ ខណ្ឌពោធិ៍សែនជ័យ ។
តាមប្រភពព័ត៌មានពីលោកមេភូមិតាងួន២បានឱ្យដឹងថា មុនពេលកើតហេតុ នៅពេលល្ងាច មិនទាន់មានភ្លៀង គេឃើញបុរសជាជនសង្ស័យដែលមានសតិមិនប្រក្រតីខាងលើ (មិនបានស្គាល់ឈ្មោះ) មានអាយុជាង២០ឆ្នាំ ឈរក្បែរផ្ទះរបស់គាត់ដែរ លុះនៅពេលមានភ្លៀងរលឹមស្រិចៗ បានបាត់បុរសជាជនសង្ស័យខាងលើដែរ បន្ទាប់មកស្រាប់តែឮដំណឹងថា មានជនសង្ស័យឡើងលើផ្ទះនៅជាន់ទី១រត់រំលងពីផ្ទះមួយទៅផ្ទះមួយ ដែលជាផ្ទះនៅជាប់នឹងផ្ទះរបស់គាត់ ហើយត្រូវបានប្រជាពលរដ្ឋស្មានថាជាចោរ បានវាយបុរសខាងលើនោះ បណ្តាលឲ្យបែកក្បាលឈាមហូរ តែរបួសមិនជាធ្ងន់ធ្ងរឡើយ ភ្លាមៗនោះគាត់បានជួយឃាត់កុំឲ្យប្រជាពលរដ្ឋវាយដែរតែមិនឈ្នះ ហើយបានប្រគល់បុរសដែលជាជនសង្ស័យខាងលើនោះឱ្យសមត្ថកិច្ច ដើម្បីសួរនាំ។
ប្រជាពលរដ្ឋមួយចំនួនបាននិយាយថា ដោយសារតែខឹងខ្លាំងពេក ព្រោះទីតាំងខាងលើសម្បូរចោរលួច និងចោរគាស់បន្ទប់តែងតែងលួចជាញឹកញយពេក ទើបគាត់ឃើញបុរសជាជនសង្ស័យខាងលើក៏នាំគ្នាវាយតែម្តង ។
ក្រោយពេលកើតហេតុ សមត្ថកិច្ចបាននាំបុរសដែលជាជនសង្ស័យខាងលើយកទៅសួរនាំនៅប៉ុស្តិ៍នគរបាលកាកាប១ ប៉ុន្តែដោយសភាពបុរសជាជនសង្ស័យមានសតិមិនប្រក្រតី ទើបសមត្ថកិច្ចបានឲ្យបុរសជាជនសង្ស័យខាងលើត្រឡប់ទៅវិញភ្លាមៗផងដែរ ៕
ចែករំលែកព័តមាននេះ