ខេត្តរតនគិរី ៖ សេចក្តីរាយការណ៍បឋមឱ្យដឹងថា មានអ្នកទោសគ្រឿងញៀនម្នាក់ បានចង.កសម្លាប់ខ្លូននៅក្នុងពន្ធនាគារ បង្កឱ្យអ្នកទោសដូចគ្នាមានការភ្ញាក់ផ្អើលកាលពីវេលាម៉ោង១២ និង៣០នាទីត្រង់ទី០៧ សីហា ស្ថិតក្នុងពន្ធនាគារខេត្ត ភូមិភ្នំស្វាយ សង្កាត់ឡាបានសៀក ក្រុងបានលុង ដោយគ្រប់គ្នាមិនដឹងពីមូលហេតុនោះទេ ។
សេចក្តីរាយការណ៍បន្តថា អ្នកទោសខាងលើ ឈ្មោះចូវ វាងដាំង ភេទប្រុស អាយុ៦១ឆ្នាំ ជនជាតិវៀតណាម«ជាប់ចោទពីបទជួញដួគ្រឿងញៀន» ត្រូវបានសមត្ថកិច្ចប៉ូលិសក្រុងភ្នំពេញ បានចាប់ខ្លួនកាលពីឆ្នាំ២០១២ហើយបានផ្ទេរជនជាប់ចោទរូបនេះ មកឃុំខ្លូននៅពន្ធនាគាខេត្តរតនគីរី ក្នុងឆ្នាំ២០១៦ ។
ប្រភពបន្តថា ជនជាប់ចោទត្រូវបានតុលាការក្រុងភ្នំពេញ កាត់ទោសឱ្យជាប់ពន្ធនាគារ៣០ឆ្នាំ ពីបទជួញដូរគ្រឿងញៀន ។ សមត្ថកិច្ចបានឱ្យដែរថា អ្នកទោសបានយកខ្សែនីឡុង ប្រវែងជាង០២ម៉ែត្រចងជាមួយផ្នឹមឈើក្នុងបន្ទប់ទឹក កម្ពស់ប្រហែល២ម៉ែត្រស្លាប់តែម្តង។
ក្រោយពីសមត្ថកិច្ចត្រួតពិនិត្យរួច ឃើញថាសាកសពជនជាប់ចោទបានស្លាប់ដោយសាចង.កសម្លាប់ខ្លួនឯងពិតប្រាកដមែន ដោយគ្មានរឿងជាប់ឃាតកម្មណាមួយឡើយ ។
ចែករំលែកព័តមាននេះ