សារព័ត៌មាននៅក្រុងម៉ុងរ៉េអាល់ប្រទេសកាណាដាផ្សាយថាលោកហ្សំប៊ី បយ (Zombie Boy) ឬRick Genest អាយុ៣២ឆ្នាំ បានស្លាប់បាត់បង់ជីវិតនៅផ្ទះរបស់ខ្លួនក្នុងតំបន់ Plateau Mont-Royal ក្រុងម៉ុងរ៉េអាល់កាលពីល្ងាចថ្ងៃទី១ ខែសីហា ឆ្នាំ២០១៨ ។
ប៉ូលិសបង្ហើបឲ្យដឹងថាតាមការត្រួតពិនិត្យលើសព លោកហ្សំប៊ី បយ ស្លាប់ដោយការធ្វើអត្តឃាត ។ លោកហ្សំប៊ី បយ ជាតារាបង្ហាញម៉ូដ និងសិល្បករនិយមសាក់រូបនៅលើរាងកាយ ។ ស្ទើរតែគ្មានចន្លោះស្នាមសាក់លើរាងកាយរបស់គេ ។
លោក ហ្សំប៊ី បយ ទទួលឯតទគ្គកម្មពិភពលោកថា ជាបុរសមានស្នាមសាក់ជារូបឆ្អឹងច្រើនបំផុតនៅលើរាងកាយ គឺចំនួន១៣៩រូប និងស្នាមសាក់រូបសត្វល្អិតចំនួន១៧៦រូប ។ មិនទាន់មានការបញ្ជាក់ពីការធ្វើអត្តឃាតរបស់បុរសកំពូលសាក់រូបលើរាងកាយនោះទេ ៕
ចែករំលែកព័តមាននេះ