រាជធានីភ្នំពេញ ៖ ម្ចាស់រថយន្តកុងតឺន័រមួយគ្រឿងបើកក្នុងស្ថានភាពងងុយ ហើយបានដេកបើករថយន្តឡើងលើខឿនទ្រូងផ្លូវ បណ្ដាលឲ្យខូចខឿន និងកៀរបង្គោលភ្លើងរងកាខូចខាតបង្កមានការភ្ញាក់ផ្អើលកាលពីវេលាម៉ោង៣ទៀបភ្លឺថ្ងៃទី០៨ ខែសីហា ឆ្នាំ២០១៨ នៅតាមបណ្ដោយផ្លូវវេងស្រេង ស្ថិតនៅភូមិត្រពាំងថ្លឹង…
រាជធានីភ្នំពេញ ៖ ម្ចាស់រថយន្តកុងតឺន័រមួយគ្រឿងបើកក្នុងស្ថានភាពងងុយ ហើយបានដេកបើករថយន្តឡើងលើខឿនទ្រូងផ្លូវ បណ្ដាលឲ្យខូចខឿន និងកៀរបង្គោលភ្លើងរងកាខូចខាតបង្កមានការភ្ញាក់ផ្អើលកាលពីវេលាម៉ោង៣ទៀបភ្លឺថ្ងៃទី០៨ ខែសីហា ឆ្នាំ២០១៨ នៅតាមបណ្ដោយផ្លូវវេងស្រេង ស្ថិតនៅភូមិត្រពាំងថ្លឹង សង្កាត់ចោមចៅ១ ខណ្ឌពោធិសែនជ័យ ។
តាមប្រភពព័ត៌មានពីតៃកុងរថយន្តបានឲ្យដឹងថា នៅមុនពេលកើតហេតុរូបគាត់បើករថយន្តបង្ក ពណ៌លឿង ពាក់ស្លាកលេខភ្នំពេញ 3D-1544 បើកបរដោយបុរសម្នាក់ក្នុងទិសដៅពីលិចទៅកើតលុះមកដល់ចំណុចកើតហេតុ ស្រាប់តែមានរថយន្តមួយគ្រឿងមិនស្គាល់ម៉ាក បើកក្នុងទិសដៅស្របជាមួយគាត់ដោយបើកពីក្រោយ ស្រាប់តែរថយន្តខាងលើបានគេចរថយន្តកុងតឺន័ររបស់គាត់ បណ្ដាលឲ្យរូបគាត់ងាកមកផ្នែកខាងឆ្វេង ហើយបានឡើងលើខឿនពុះចែកទ្រូងផ្លូវឲ្យខូចខាតទ្រូងផ្លូវ និងប៉ះបង្គោលប៉ាណូក្រុមហ៊ុនឯកជនបណ្តាលឲ្យទ្រេត ។
ប្រភពព័ត៌មានពីកន្លែងកើតហេតុបានឲ្យដឹងទៀតថា ខណៈពេលរថយន្តខាងលើបានឡើងលើខឿនពុះចែកផ្លូវភ្លាមៗ រថយន្តខាងលើបម្រុងបើកចេញពីកន្លែងកើតហេតុ តែបើកពុំរួចត្រូវបានសមត្ថកិច្ចនគរបាលប៉ុស្តិ៍ចោមចៅ១បានមកដល់ ហើយឃាត់ភ្លាមៗផងដែរ ។
ក្រោយពេលកើតហេតុជំនាញចរាចរណ៍ខណ្ឌពោធិ៍សែនជ័យធ្វើការវាស់វែងយករថយន្តខាងលើយកទៅរក្សាទុករង់ចាំការដោះស្រាយថ្ងៃក្រោយ ៕
ចែករំលែកព័តមាននេះ