អាមេរិក ៖ តាមប្រភពព័ត៌មាន Metro បានឲ្យដឹងថា អ្នកចូលចិត្តធ្វើអ្វីប្លែកៗក្នុងន័យលេងសើចម្នាក់ (Prankster) បានថតវីដេអូហក់ពីលើស្ពានចូលទឹក តែមិនស្មានថា ចំយាយចាស់ម្នាក់ ដែលកំពុងជិះទូក។
Cody Green ត្រូវបានគេចោទប្រកាន់ពីបទបង្ករបួសស្នាម ក្រោយពីលោតចូលទឹកធ្លាក់ចំលោកយាយ Marilee Terrell អាយុ៦៦ឆ្នាំ ដែលកំពុងជិះទូក កាលពីថ្ងៃទី២៦ ខែកក្កដា កន្លងមកនេះ។ រឿងរ៉ាវនេះកើតឡើងនៅស្ពាន Lido ក្នុងក្រុង Newport Beach រដ្ឋកាលីហ្វញ៉ា។
Green បានធ្លាក់ចំដំបូលក្រណាត់របស់ទូកលោកយាយ Terrell ហើយក៏បង្កការខូចខាត ក៏ដូចជារបួសស្នាមដល់លោកយាយ ដែលនៅពីក្រោមដំបូលនោះ។
ការខូចខាតទៅលើទូក គឺមានតម្លៃដល់ទៅ ១០៥០០ដុល្លារ បើតាមការប្រាប់ឲ្យដឹងពីសំណាក់ព័ត៌មាន Daily Pilot។ ក្រោយពីដឹងខ្លួនថា ខុសភ្លាម Green ក៏ហែលទឹករត់ តែត្រូវបានប៉ូលិស ដឹងតាមចាប់ ក្រោយការបង្ហោះវីដេអូថតបានទៅលើអ៊ីនធើណេត។
គួរបញ្ជាក់ផងដែរថា ស្ពានខាងលើនេះក្លាយទៅជាកន្លែងពេញនិយមសម្រាប់ការលោតទឹក បើទោះបីជាច្បាប់គេហាមមិនឲ្យធ្វើបែបនេះ តាំងពីឆ្នាំ១៩៥៤ក៏ដោយ៕ វីដេអូឃ្លីបដកស្រង់ចេញពី ៖ CBS Los Angeles
VIDEO
ចែករំលែកព័តមាននេះ