រាជធានីភ្នំពេញ ៖ ស្ត្រីម្នាក់បានរងរបួសត្រង់ជើងខាងឆ្វេង ដោយដាច់សាច់រយះចេញឈាមរងរបួសយ៉ាងធ្ងន់ធ្ងរ ពេលដែលនាងជិះម៉ូតូមួយគ្រឿងមានដឹកឡាំងត្រីមួយធ្វើដំណើរមកដល់មុខស្ពានហង្ស ក៏ស្រាប់តែមានរថយន្តស៊េរីទំនើបមួយគ្រឿង បានបើកចេញពីក្នុងកោះពេជ្រមកបុកពេញទំហឹងនោះ។ ករណីគ្រោះថ្នាក់ចរចារណ៍នេះដែរ បានកើតឡើងកាលពីវេលាម៉ោង១និង៤៥នាទីរសៀលថ្ងៃទី៧ ខែសីហា…
រាជធានីភ្នំពេញ ៖ ស្ត្រីម្នាក់បានរងរបួសត្រង់ជើងខាងឆ្វេង ដោយដាច់សាច់រយះចេញឈាមរងរបួសយ៉ាងធ្ងន់ធ្ងរ ពេលដែលនាងជិះម៉ូតូមួយគ្រឿងមានដឹកឡាំងត្រីមួយធ្វើដំណើរមកដល់មុខស្ពានហង្ស ក៏ស្រាប់តែមានរថយន្តស៊េរីទំនើបមួយគ្រឿង បានបើកចេញពីក្នុងកោះពេជ្រមកបុកពេញទំហឹងនោះ។
ករណីគ្រោះថ្នាក់ចរចារណ៍នេះដែរ បានកើតឡើងកាលពីវេលាម៉ោង១និង៤៥នាទីរសៀលថ្ងៃទី៧ ខែសីហា ឆ្នាំ២០១៨ នៅចំណុចខាងមុខស្ពានហង្ស កែងនឹងផ្លូវសប៊ិត ក្នុងសង្កាត់ទន្លេបាសាក់ ខណ្ឌចំការមក។
តាមប្រភពព័ត៌មានពីនគរបាលបានប្រាប់ឱ្យដឹងថា មុនពេលកើតហេតុ គេបានឃើញស្ត្រីវ័យជាង៣០ឆ្នាំម្នាក់បានជិះម៉ូតូមួយគ្រឿងម៉ាកហុងដា ធុនC១២៥ ពណ៌ខ្មៅ ពាក់ស្លាកលេខភ្នំពេញ ១AU-៦១៣២ ដោយមានដឹកឡាំងត្រីមួយនៅខាងក្រោយផងដែរ ធ្វើដំណើរតែម្នាក់ឯង ក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើ ក៏ស្រាប់តែមានរថយន្តស៊េរីទំនើបមួយគ្រឿង ពាក់ស្លាកលេខ ភ្នំពេញ ២AJ-៨០១០ ដែលបើកបរដោយយុវជនម្នាក់បើកបោះពួយចេញពីក្នុងកោះពេជ្រមកបុកពេញទំហឹង បណ្តាលឱ្យដួលម៉ូតូ និងខ្ទាតស្ត្រីជាអ្នកបើកបរម៉ូតូរងរបួសដាច់រយះសាច់ហូរឈាមជើងខាងឆ្វេងយ៉ាងធ្ងន់ធ្ងរតែម្តង។
តាមប្រភពដដែលបានប្រាប់បន្តទៀតថា ពាក់ព័ន្ធទៅនឹងករណីគ្រោះថ្នាក់ចរាចរណ៍រវាងរថយន្តស៊េរីទំនើប និងម៉ូតូដឹកត្រីមួយគ្រឿងខាងលើនេះដែរ គឺបណ្តាលមកពីយុវជនជាអ្នកបើកបររថយន្តខាងលើបើកបរខ្វះការប្រុងប្រយ័ត្ន ទើបបានទៅបុកម៉ូតូបែបនេះ ហើយរថយន្តបានរងការខូចខាតផ្នែកខាងមុខ ចំណែកម៉ូតូបាក់ក្បាំងរងការខូចខាតយ៉ាងដំណំផងដែរ ។
ក្រោយពេលកើតហេតុ កម្លាំងសមត្ថកិច្ចមូលដ្ឋាន និងផ្នែកចរាចរណ៍ខណ្ឌចំការមនបានចុះមកដល់កន្លែងកើតហេតុ និងហៅរថយន្តសាមុយរបស់មន្ទីរពេទ្យកាល់ម៉ែតមកដឹកស្ត្រីរងគ្រោះយកទៅព្យាបាល និងធ្វើការវាស់វែងរកខុសត្រូវ រួចបញ្ជូនទាំងរថយន្តបង្ក និងម៉ូតូយកទៅរក្សាទុកនៅការិយាល័យចរាចរណ៍ផ្លូវ
គោករាជធានីភ្នំពេញ ដើម្បីរង់ចាំធ្វើការដោះស្រាយគ្នាជាបន្តទៅទៀតផងដែរ ៕
ចែករំលែកព័តមាននេះ