ខេត្តកំពង់ចាម ៖ លោក គួច ចំរើន អភិបាលខេត្តកំពង់ចាមបានអំពាវនាវអោយបងប្អូនប្រជាពលរដ្ឋមានការប្រុងប្រយ័ត្នខ្ពស់អំពីបញ្ហាគ្រោះទឹកជំនន់ ជាពិសេសចំពោះកុមារ ជនពិការ និងចាស់ជរា ក្នុងពេលកំពស់ទឹកទន្លេមេគង្គនៅខេត្តកំពង់ចាមថ្ងៃនេះមានកំពស់១៥.១៤ម៉ែត្រ…
ខេត្តកំពង់ចាម ៖ លោក គួច ចំរើន អភិបាលខេត្តកំពង់ចាមបានអំពាវនាវអោយបងប្អូនប្រជាពលរដ្ឋមានការប្រុងប្រយ័ត្នខ្ពស់អំពីបញ្ហាគ្រោះទឹកជំនន់ ជាពិសេសចំពោះកុមារ ជនពិការ និងចាស់ជរា ក្នុងពេលកំពស់ទឹកទន្លេមេគង្គនៅខេត្តកំពង់ចាមថ្ងៃនេះមានកំពស់១៥.១៤ម៉ែត្រ ខណៈកាលពីថ្ងៃទី០៥ និង០៦ មានតែ១៥.០៦ម៉ែត្រ ។
លោក គួច ចំរើន បានអោយដឹងនៅព្រឹកថ្ងៃទី០៧ ខែសីហា នេះថាទឹកទន្លេមេគង្គខេត្តកំពង់ចាមកាលពីថ្ងៃទី០៦ ខែសីហា បានស្រកមកនៅត្រឹម ១៥.០៥ម៉ែត្រ តែសម្រាប់ថ្ងៃទី០៧ ខែសីហា នេះកំពស់ទឹកបានឡើងបន្តិចវិញគឺមានកំពស់១៥.១៤ម៉ែត្រ បណ្តាលឲ្យប៉ះពាល់ចំនួន០៨ស្រុក ឃុំចំនួន៤១ និង១៦៤ភូមិ ។
លោកបន្តថា ក្នុងរយៈពេលទឹកជំនន់ប៉ុន្មានថ្ងៃនេះបានធ្វើឲ្យលិចដំណាំស្រូវចំនួន៦៤៥,៥ហិកតា ពោតចំនួន៧ហិកតា និងលិចផ្លូវចំនួន៣៦២០ម៉ែត្រផងដែរ ។ ដូច្នេះលោកសូមប្រជាពលរដ្ឋទាំងអស់មានការប្រុងប្រយ័ត្ន ចំពោះហេតុការណ៍ចៃដន្យណាមួយដែលបណ្តាលឲ្យប៉ះពាល់ដល់អាយុជីវិត ពិសេសប្រុងប្រយ័ត្នខ្ពស់ចំពោះ កុមារ ជនពិការ និងចាស់ជរា ៕
ចែករំលែកព័តមាននេះ