រាជធានីភ្នំពេញ ៖ ដើម្បីបញ្ជាក់ពីភាពត្រឹមត្រូវចេញពីការបោះឆ្នោតសម្តេចតេជោ ហ៊ុន សែន នាយករដ្ឋមន្ត្រីនឹងចេញទៅថ្លែងការណ៍នៅក្នុងកិច្ចប្រជុំអង្កការណ៍សហប្រជាជាតិនៅពេលដែលរៀបចំក្បាលម៉ាស៊ីនទាន់ពេលវេលា ។ នេះបើតាមសម្តេចតេជោ ហ៊ុន សែន ។
ក្នុងពីធីអនុញ្ញាតឲ្យអត្តពលិកកីឡាករកីឡាការិនីគ្រូបង្វិករួមនឹងប្រតិភូកីឡាសរុបជាង៧០នាក់ ចូលជួបទទួលដំបូន្មានមួយចំនួន មុននឹងពួកគេចេញទៅចូលរួមប្រកួតកីឡា Asain Games នៅប្រទេសឥណ្ឌូនេស៊ីនាកាលពីថ្ងៃទី៦ ខែសីហា ឆ្នាំ២០១៨ នៅទីស្តីការគណៈរដ្ឋមន្ត្រីសម្តេចតេជោមានប្រសាសន៍ថា ប្រសិនបើគ្មានការរាំងស្ទះបណ្តឹងដែលត្រូវដោះស្រាយទៅដល់ក្រុមប្រឹក្សាធម្មនុញ្ញដូចជា ការប្រកាសលទ្ធផលបោះឆ្នោតបានលឿនជាងមុន ហើយមិនខ្ទាស់ និងបញ្ហាផ្លូវច្បាប់រហូតដល់បង្កើតថ្នាក់ដឹកនាំអាណត្តិទី៦នេះ សម្តេចនឹងចូលរួមកិច្ចប្រជុំនៅអង្កការសហប្រជាជាតិ ដើម្បីថ្លែងការណ៍បញ្ជាក់ពីសភាពការណ៍នៅកម្ពុជាតែម្តង ។
សម្តេចតេជោក៏បានលើកឡើងទៀតថា ការបង្កើតក្បាលម៉ាស៊ីនឆាប់នេះ ដើម្បីងាយស្រួលទៅចូលរួមកិច្ចប្រជុំនៅអង្កការសហប្រជាជាតិ ដើម្បីថ្លែងការណ៍នៅទីនោះតែម្តង ដើម្បីឲ្យក្រុមប្រឆាំងក៏ដូចជា អង្កការសហប្រជាជាតិដឹងថា រដ្ឋអធិបតេយ្យមួយដែលធ្វើការបោះឆ្នោតក្នុង ដែនអធិប្បតេយ្យរបស់ខ្លួន តើមានតម្រូវការប្រថាប់ត្រាពីអ្នកណាក្រៅពីព្រះមហាក្សត្ររបស់ខ្លួន ។ ព្រះមហាក្សត្រមានតួនាទីតែងតាំងនាយករដ្ឋមន្ត្រី ហើយរៀបចំរដ្ឋាភិបាលបន្ទាប់ទៅព្រះមហាក្សត្របានចេញលិខិតតែងតាំងរាជរដ្ឋាភិបាល ។ នៅកម្ពុជាមិនចាប់បាច់ត្រូវការប្រទេសណាប្រថាប់ត្រានោះទេ ។
សម្តេចតេជោបញ្ជាក់ថា « ប្រសិនបើធ្វើបានដូចនេះខ្ញុំនឹងទៅអង្ក្ការសហប្រជាជាតិ ដើម្បីថ្លែងការណ៍នៅអង្កការសហប្រជាជាតិ ។ ព្រោះថា ប្រសិនរៀបចំពីថ្ងៃទី២១ កញ្ញា ខ្ញុំមិនអាចទៅបានទេ ព្រោះនៅថ្ងៃទី២៥ កញ្ញា នៅទីនោះគេប្រជុំបាត់ហើយ ។ ខ្ញុំត្រូវមានការងារប្រជុំនៅក្នុងប្រទេសជាច្រើន» ។
យ៉ាងណាក្តីសម្តេចតេជោបានស្នើដល់អ្នកជំនាញច្បាប់សិក្សាពិនិត្យមើលឲ្យបានត្រឹមត្រូវដោយកុំឲ្យជំទាសផ្លូវច្បាប់ក្នុងការបង្កើតក្បាល់ម៉ាស៊ីនថ្មីឲ្យឆាប់ ដើម្បីមានពេលចូលរួមកិច្ចប្រជុំនៅអង្កការសហប្រជាជាតិ ដើម្បីឲ្យអ្នកទាំងនោះបានដឹង ។
ជាមួយគ្នានោះដែរសម្តេចក៏បានលើកឡើងថា អ្នកដែលមានមានបំណងចង់ជួបសម្តេចត្រៀមខ្លូនឲ្យហើយផងដែរ ។ យ៉ាងណាក្តីសម្រាប់ជំហរក្នុងការទៅអង្កការសហប្រជាជាតិរបស់ប្រមុខរាជរដ្ឋាភិបាលនេះ ដើម្បីជាសារមួយដល់ក្រុមអ្នកគាំទ្រការញុះញង់របស់អ្នកនៅក្រៅប្រទេស ដើម្បីឲ្យមានការភ្លឺភ្នែកកុំចេះតែជឿរគេនោះអី ។
សម្តេចតេជោ ហ៊ុនសែនក៏បានគូសបញ្ជាក់ថា ប្រសិនបើបង្កើតក្បាលម៉ាស៊ីនរដ្ឋាភិបាលរដ្ឋសភាមុនការកំណត់ ហើយមិនជំទាស់ និងច្បាប់នោះសម្តេចនឹងចេញទៅអង្កការសហប្រជាជាតិ ដើម្បីប្រាប់ថា ខ្ញុំមានសិទ្ធិថ្លែងការណ៍ ។ សម្តេចបន្ថែមថា សម្តេចត្រូវបានខាងសហគមន៍ធ្វើការអញ្ជើញចូលរួមកិច្ចប្រជុំអាស៊ី អឺរ៉ុប និងកិច្ចប្រជុំអាស៊ានអ៉ឺរ៉ុបនៅទីក្រុងហាណូយផងដែរ ។ ជាមួយគ្នានោះដែរសម្តេចក៏បានលើកឡើងថា សម្តេចចងរង់ចាំមើលអ្នកដែលមកចង់ចាំសម្តេចផងដែរ ។ សម្តេចបញ្ជាក់ថា៖« កុំឲ្យធ្វើអ្វីមួយនៅចាំនេះចាំនោះ ចាំបោះឆ្នោតរួចហើយ ឬចាំពេលនេះចាំពេលនោះ ហើយចាំគេចាប់ហ៊ុន សែនទៅទៀត ។
បើការលើកឡើងរបស់ប្រមុខរាជរដ្ឋាភិបាលកម្ពុជាបានឲ្យដឹងតាមគម្រោងរដ្ឋសភាអាណត្តិទី៦ថ្មី គឺនៅព្រឹកថ្ងៃទី១៩ ខែកញ្ញា ឆ្នាំ២០១៨ ត្រូវបើកសម័យប្រជុំសភាលើកដំបូងក្រោមព្រះរាជ្យធិបតីព្រះមហាក្សត្រ ។ ល្ងាចថ្ងៃទី១៩ ដដែលសមាជិករដ្ឋសភាចូលកាន់ដំណែង ។
សម្តេចគូសបញ្ជាក់ ៖«អីញ្ចឹងប្រសិនបើគណៈរដ្ឋមន្ត្រីអាចបង្កើតនៅក្នុងខែសីហានេះ បង្កើត ប្រសិនបើគ្មានជំទាស់ផ្លូវច្បាប់ ។ ព្រោះឮថា គ្មានរឿងរ៉ាវ (បណ្តឹង) ទៅដល់ក្រុមប្រឹក្សារដ្ឋធម្មនុញ្ញនោះទេ ក្នុងការបង្កើតក្បាលម៉ាស៊ីនដឹកនាំប្រទេស» ៕
ចែករំលែកព័តមាននេះ